Onun fikrincə, Azərbaycanda bu sistemə keçid zəruridir. Tibbi sığorta ən məqbul və effektli variantdır. Bugünkü vaxtda əhaliyə normal tibbi xidmət göstərmək üçün tibbi sığorta ən optimal vasitədir və bunun alternativi yoxdur. Biz həkim kimi belə optimal sistemə keçidi müsbət dəyərləndiririk. Düşünürəm ki, yeni tətbiq olunan sistem həkimlərimizin də işinə müsbət təsir göstərəcək. Çünki ödənişli səhiyyə sistemində bəzən xəstələrimiz maliyyə tapa bilmədiklərinə görə, həmin vəsaitləri ödəyə bilmirdilər. Artıq tibbi sığota vasitəsilə bu proses həyata keçiriləcək. Xəstəliyi olan insanlar bu vəsaitlərdən istifadə etməklə müalicə alacaq. Bu qaydada insanlar bir-birlərinə qarşılıqlı yardım etmiş olurlar. Bu model sayəsində insanlar hər zaman, əllərində maliyyənin olub-olmamasından asılı olmayaraq dövlətin zamanət verdiyi tibbi xidmətləri pulsuz əldə edəcəklər.

- Bu sistemə cəlb olunan xəstəxanalar və tibbi heyət bu sistemə hazır olacaqmı?

- İcbari tibbi sığorta sisteminə qoşulan xəstəxanalar tələblərə cavab verməlidir. Belə ki, xəstəxanada təminat verdiyimiz xəstəliklər üzrə ixtisaslaşmış mütəxəssislərin olması çox vacibdir. Çünki düşünürük ki, xəstənin harada yaşamasından, yaşından asılı olmayaraq, onun müalicəyə əlçatanlığı olmalıdır. Əsas məqsəd odur ki, xəstə xəstəxanada keyfiyyətli xidmət alsın. Ümid edirəm ki, bu prosesdə həkimlər öz işinin öhdəsindən gələсək. Bundan əlavə bizim kadr problemlərimiz yoxdur. Həm ölkəmizdə, həm də xaricdə təhsil almış peşəkar kadrlarımız var.

-Bütün bu proseslər səhiyyə mədəniyyətinin inkişafına təkan verə bilərmi?

- Əslində bu proses səhiyyə sahəsində müsbət dəyişikliyə gətrib çıxaracaq. Ən əsası tibbi sığortanın tətbiqi səhiyyə mədəniyyətinin inkişafına dəstək olacaq. Çünki səhiyyə mədəniyyəti, tibbi təfəkkür çox vacib məqamdır. Bu istiqamətdə geniş maarifçilik işi aparılmalıdır. Xüsusilə, azyaşlılar, yeniyetmələr arasında tibbi təfəkkürü genişləndirmək üçün bu istiqamətdə zəruri addımlar atılmalıdır.

Fact-info.az