FACT-INFO.AZ » SİYASƏT » “Bir bayraq altında” adlı vətənpərvərlik tədbiri keçirilib
8-11-2018, 08:40 | SİYASƏT
“Bir bayraq altında” adlı vətənpərvərlik tədbiri keçirilib

Bakı qarnizonunun birlik, birləşmə və hərbi hissələrinin, qoşun növlərinin, xüsusi təyinatlı təhsil müəssisələrinin şəxsi heyəti əvvəlcə Təlim və Tədris Mərkəzinin həyətində Azərbaycanın tarixi bayraqlarının sərgisi ilə tanış olub. Suraxanı rayonundakı N.Əliyev adına 282 nömrəli tam orta məktəbin müəllimi Gülər Musayevanın təşəbbüsü ilə hazırlanan, üzərində 12 min 62 şəhidimizin adlarının yazıldığı 5 metr uzunluğundakı bayraq da böyük marağa səbəb olub.

Azərbaycan Hərb Tarixi Muzeyinin və Gəncə Qarnizonu Zabitlər evinin birgə təşkil etdiyi sərgi barədə məlumat verən layihənin rəhbəri, Əməkdar incəsənət xadimi, Prezidentin fərdi təqaüdçüsü, Müdafiə Nazirliyinin zabiti, polkovnik Abdulla Qurbani Azərbaycan bayrağının tarixi haqqında məlumat verib. Bildirib ki, sərgidə erkən orta əsrlər və orta əsrlər Azərbaycan tarixinə, eləcə də xanlıqlar dövrlərinə aid, sovet dövründə milli diviziyalarımıza məxsus bayraqlar nümayiş etdirilir. Tədbir Azərbaycan Respublikası dövlət bayrağının, Aprel döyüşlərində, eləcə də bu ilin mayında Naxçıvanda keçirilən uğurlu əməliyyatda iştirak etmiş, xüsusi xidmətləri olan hərbi hissələrin, hərbi paradlarda nümayiş olunan döyüş bayraqlarının gətirilməsi ilə başlayıb. Sonra ulu öndər Heydər Əliyevin və Azərbaycanın müstəqilliyi, ərazi bütövlüyü uğrunda şəhid olanların xatirəsi bir dəqiqəlik sükutla yad edilib, hərbi orkestrin ifasında dövlət himni səsləndirilib.

Müdafiə Nazirliyinin Mənəvi-Psixoloji Hazırlıq və İctimaiyyətlə Əlaqələr İdarəsinin rəisi, general-mayor Rasim Əliyev Azərbaycan dövlətinin və istiqlalımızın müqəddəs rəmzlərindən olan dövlət bayrağının milli kimliyimizin simvolu olduğunu bildirib. O, hər bir azərbaycanlının qürur mənbəyi olan üçrəngli bayrağımızın yaranma tarixindən, 1918-ci ildə Azərbaycan Xalq Cümhuriyyəti dövründə təsis edilmiş dövlət bayrağımızın XX əsrin sonunda yenidən bərpa olunmasından danışıb. İdarə rəisi Azərbaycan bayrağının yenidən qaldırılması üçün canlarını fəda etmiş Vətən övladlarının xatirəsini hörmət və ehtiramla yad edib. R.Əliyev xüsusi vurğulayıb ki, Prezident, Ali Baş Komandan İlham Əliyevin sayəsində Azərbaycan bayrağının tezliklə Şuşada, Xankəndidə, Laçında, Kəlbəcərdə və işğal altındakı digər torpaqlarımızda da dalğalanacağı gün uzaqda deyil. Tərtər rayonundan gəlib tədbirdə iştirak edən, Azərbaycan Ordusunun ilk döyüşçülərindən olan Pənah Məmmədov torpaqlarımız və bayrağımız uğrunda gedən döyüşlərdəki xatirələrini iştirakçılarla bölüşüb.

Mötəbər idman yarışlarında Azərbaycanın dövlət bayrağını dəfələrlə ucaltmış kunq-fu üzrə 12 dəfə Azərbaycan, ikiqat Avropa, yeddiqat dünya çempionu, dünya kubokunun ikiqat qalibi Fərid Mayılov və uşu-sanda üzrə dünya çempionu Elçin Eminov himnimizin sədaları altında Azərbaycan bayrağının qaldırılmasından duyduqları qürur hissindən danışıblar. Onlar Azərbaycan bayrağının, Vətənimizin onlar üçün hər şeydən üstün olduğunu bildiriblər. Tədbir respublikanın tanınmış incəsənət ustalarının, bədii qiraətçilərin, Silahlı Qüvvələrin mahnı və rəqs ansamblının iştirakı “Bayrağım varlığım, bəxtiyarlığım” mövzusunda ədəbi-musiqili proqramla davam edib.




Baxış sayı: 1 395
Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00 Xəzərin səviyyə tərəddüdləri və Günəş fəallığı, yeni tədqiqatlar 11-11-2026, 14:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30