Türkiyənin Antaliya  şəhərində   Beynəlxalq Avrasiya Sənət Kültur ve Ədəbiyyat Dərnəyinin basqanı Savaş Unsalın  təşkilatçılığı ilə 16 türk dilli dövlətdən 250 nəfərin iştirakı ilə3 gün müddətində tədbir keçirildi.  Bir sıra türk xalqlarının  o cümlədən Azərbaycan şairlərinin şeirlərindən ibarət kitab çap olunub.   
 Həmin tədbirə qatılan şairə,  “Xocalı Soyqırımını Tanıtma” ictimai birliyinin sədr müavini, “Yeni  Yurd” Sosial İnkişaf İctimai Birliyinin üzvü Dilbər Sultanova  Fact-info.az-a açıqlamasında bildirib:   “Tədbirin açılışında  Azərbaycanın milli  faciəsi olan  Xocalı  soyqırımı haqqında məlumat verdikdən sonra Türkiyəmlə Azərbaycan şeirimi söylədim. Tədbir iştirakçılarına erməni vəhşiliyi və ümumilikdə  milli faciələrimiz haqqında informasiyalar çatdırmağa çalışdım. Sonrakı  görüşlərimizdə də bu prosesi davam etdirdik. Onu da qeyd edim ki,   həmin tədbirə  mənimlə birgə  Aqil Məmmədov, Vaqif  Nəcəfzadə, Fərqanə  Mehdiyeva və digər qələm sahibləri  qatılmışdılar.  Ümumilikdə  Azərbaycandan həmin tədbirdə  35  nəfər   iştirak etdi”.
Fact-info.az