Film Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə “MÜHARİBƏDƏN ZƏRƏR ÇƏKMİŞ UŞAQLAR haqqında filmin çəkilməsi” layihəsi çərçivəsində hazırlanıb.

Tədbiri giriş sözü ilə açan “Əsgər Ailələrinə Dəstək” ictimai birliyinin sədri Mətanət Əsgərqızı layihə haqqında məlumat verib. Təşkilat rəhbəri qeyd edib ki, "Sınan arzular... " filminin çəkilişləri Bakı, Mingəçevir şəhərləri, Qazax, Goranboy, Tərtər, Ağdam və Füzuli rayonlarında aparılıb.

Filmdə 1988-2017-ci illərdə erməni təcavüzü nəticəsində qətlə yetirilən, girovluq həyatı yaşayan, şikəst olan, valideynləri şəhid olan, müxtəlif xəstəliklərə düçar olan, orqanları alınaraq öldürülən, çadırlarda dünyaya gələn uşaqlardan bəhs edilir.

Mətanət Əsgərqızı bildirib ki, Filmin çəkilişi vasitəsi ilə ictimaiyyəti, xüsusi ilə xarici auditoriyanı Ermənistanın Azərbaycana qarşı apardığı müharibədə günahsız uşaqların məhv edilməsinə, valideynlərini itirməklə uşaqlıqlarının əllərindən alınmasına diqqəti çəkməkdir.

Layihənin rəhbəri və ssenari müəllifi İctimai Birliyinin sədri Mətanət Əsgərqızı, quruluşçu rejissor Elnur Əliyevdir.

Daha sonra layihə çərçivəsində hazırlanan “Sınan arzular” sənədli filmi qonaqlara təqdim olunub. Tədbirdə Əsir və itkin düşmüş, girov götürülmüş vətəndaşlarla iş üzrə Dövlət Komissiyasının nümayəndəsi, QHT və media nümayəndələri çıxış ediblər. Onlar ictimai birliyin hazırladığı sənədli filmi yüksək qiymətləndirərərk , bu kimi layihələrin vacibliyini qeyd ediblər.