“Cahan ki, solmayan bir bağça-bağdır, ...”. Bu ölməz misralar ürəklərdə əbədi məskən salan, unudulmaz söz sərrafı Mikayıl Müşfiqə məxsusdur. Vəfatından 80 il keçməsinə baxmayaraq xalq sevimli şairinin xatirəsini bu gün də yaşadır. AZƏRTAC xəbər verir ki, şairin xatirəsinə həsr olunan silsilə tədbirlərdən biri də Bakıda şairin büstü önündə “Cabir Novruz” Mədəniyyət Fondunun təşkilatçılığı ilə keçirilib. Böyük söz ustasının xatirəsini əziz tutan pərəstişkarları büstü önünə gül dəstələri düzərək, şair haqqında ürək sözlərini bölüşüblər. Fondun rəhbəri Cavanşir Qurbanov, professor Məmməd Əliyev, şairlər Oqtay Rza, Ofeliya Babayeva, Musa Ələkbərli, Mədəniyyətşünaslıq üzrə Elmi Metodiki Mərkəzin şöbə müdiri Sənan Talıbov, yazıçı-publisist Müşfiq Cabiroğlu, Əməkdar Jurnalist, pedaqogika üzrə fəlsəfə doktoru Qafar Əsgərzadə, rəssam Minayə Dəyanətqızı və başqaları çıxış edərək XX əsr Azərbaycan ədəbiyyatının görkəmli nümayəndəsi, 30-cu illər repressiyasının qurbanı Mikayıl Müşfiqin həyat və yaradıcılığından, onun ədəbiyyatımızda tutduğu mövqedən söhbət açıblar. Bildirilib ki, Mikayıl Müşfiq şəxsiyyəti gənc nəslin milli mənlik şüurunun inkişaf etdirilməsində və gənclərimizdə vətənpərvərlik hisslərinin tərbiyəsində əvəzsiz xəzinədir. Şairin xatirəsinə həsr olunan silsilə tədbirlərdə şairin şeirlərindən parçalar səsləndirilib, Xalq Şairi Cabir Novruzun “Müşfiq ağıları” əsasında hazırlanmış kompozisiya təqdim olunub.
Baxış sayı: 1 845
Western Azerbaijan Community calls on Tom Lantos Commission to abandon biased approach
From Shavkat Mirziyoyev, President of the Republic of Uzbekistan
Azerbaijan’s cultural heritage showcased at festival in South Korea
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue

