Dekabrın 20-də Daş Salnamə Muzeyində Gənclər və İdman Nazirliyinin yeni layihəsi olan “Azərbaycanın tarixi qəhrəmanları gənclərin gözü ilə” mövzusunda sərginin açılış mərasimi keçirilib. Tədbirdə çıxış edən gənclər və idman naziri Azad Rəhimov sərginin əsas məqsədinin gəncləri vətənpərvərlik ruhunda tərbiyə etmək, onların yaradıcılıq potensialını dəstəkləmək, gəncləri müvafiq istiqamətdə maarifləndirmək, xalqımızın hərb tarixini təbliğ etmək olduğunu bildirib. Həvəskarlar arasında keçirilən sərgidə 14-29 yaşlı Azərbaycan vətəndaşlarının dəzgah rəngkarlığı, xəttatlıq, keramika, rəngkarlıq, qrafika, qravüra, batika, vitraj, qravüra üslubları üzrə tarixi mövzuda çəkdikləri 130-dək əsər nümayiş olunur.
“Azərbaycanın tarixi qəhrəmanları gənclərin gözü ilə” sərgisində Tomris, Babək, Şah İsmayıl, Cavad xan və digər tarixi qəhrəmanların portretləri təqdim edilib. Sərgidə Mədəniyyət və Sənətkarlıq üzrə Bakı Dövlət Peşə Təhsili Mərkəzinin, Zirə Mədəniyyət Mərkəzinin nəzdində fəaliyyət göstərən art-studiyanın üzvlərinin, eləcə də digər yeniyetmə və gənclərin əl işləri nümayiş etdirilir. Sərgi dekabrın 24-dək paytaxt sakinləri və şəhərimizin qonaqları üçün açıq olacaq.
Baxış sayı: 1 707
Recep Tayyip Erdoğan: We will never forget the pain of the Khojaly tragedy
Commemorative event on the 33rd anniversary of the Khojaly genocide held at Presidential Library
Shehbaz Sharif: Our friendship, political understanding, union of thought and action with Azerbaijan at international levels have been legendary
Trial of persons charged with numerous crimes against the Azerbaijani people continues
President: The entire Karabakh region and the East Zangezur region are reviving, and we see this clearly every day