Beynəlxalq Muğam Mərkəzində Mədəniyyət və Turizm Nazirliyinin, Şuşa Şəhər İcra Hakimiyyətinin, Beynəlxalq Muğam Mərkəzinin dəstəyi ilə Niyazi adına Şuşa Şəhər Uşaq İncəsənət məktəbinin 85 illik yubileyinə həsr olunmuş tədbir keçirilib.
Qonaqlar əvvəlcə Mərkəzin foyesində Şuşa Şəhər Uşaq İncəsənət məktəbinin şagirdlərinin əl işlərindən ibarət rəsm sərgisi ilə tanış olublar.
Tədbirdə Sumqayıt Regional Mədəniyyət və Turizm İdarəsinin rəisi Mehman Şükürov, "Azərbaycan Respublikası Dağlıq Qarabağ bölgəsinin Azərbaycanlı İcması" İctimai Birliyinin sədri, Şuşa Rayon İcra Hakimiyyətinin başçısı Bayram Səfərov, Mədəniyyət və Turizm Nazirliyinin əməkdaşı Yaşar Əliyev, məktəbin məzunu, Əməkdar artist Anar Şuşalı və Şuşa Şəhər Uşaq İncəsənət Məktəbinin direktoru Mirkamil Ağamirov çıxış edərək tədris ocağının tarixindən, 85 illik fəaliyyətindən, yetirmələrinin qazandığı uğurlardan söhbət açıblar.
Bədii hissədə xalq çalğı alətləri ansamblının müşayiəti ilə Emin Sabitoğlunun "Can Azərbaycan" mahnısını uşaq xor kollektivi ifa edib. Əməkdar artist Anar Şuşalı "Vətənimdir"i, məktəbin tələbələri Fatimə Ağazadə "Turacı"nı, Emin Məmmədli "Gözəl Şuşam"ı, Gümanə Mərdiyeva, Elbrus Abbasov, Arzu Məmmədova "Qarabağ şikəstəsi"ni ifa ediblər.
Tədbirdə "Yallı" rəqsini beynəlxalq və respublika müsabiqələrinin laureatı məktəbin "Təbəssüm" rəqs qurupu nümayiş etdirib. İfalar alqışlarla qarşılanıb.
Xədicə RƏHMAN
Baxış sayı: 1 707
Latvian ambassador congratulates Azerbaijan on successful completion of COP29
President Ilham Aliyev: Azerbaijan has created favorable conditions for lasting peace in the South Caucasus
“Missing Families of Karabakh” Public Union welcomes adoption of “Missing Persons” resolution by UN General Assembl
COP29 features panel discussion on “COP to COP Agrifood Legacies: A Key to Achieving Global Climate Goals”
Foreign Ministry comments on Fifth Opinion of Advisory Committee on Implementation of Council of Europe Framework Convention for Protection of National Minorities by Azerbaijan