Daşkənddəki səfirliyimizin nəzdindəki Heydər Əliyev adına Azərbaycan Mədəniyyət Mərkəzində (AMM) İsveçdə yaşayan azərbaycanlı yazıçı Eluca Atalının özbək dilində çap edilən “Özünü gətir” və Bakıda Azərbaycan dilində işıq üzü görən “Tiqranizm Xocalıda” kitablarının təqdimatı olub.
Tədbirdə tanınmış şair, yazıçı və alimlər, Azərbaycan diasporunun üzvləri, jurnalistlər iştirak edib.
AMM-nin direktoru Samir Abbasov Eluca Atalının yaradıcılığı haqqında məlumat verib. O deyib ki, yazıçının indiyədək Azərbaycan, Türkiyə, İsveç, Özbəkistan və digər ölkələrdə hekayə, roman, esse, şeir, dram əsərləri və digər janrlarda 18 kitabı çap olunub. Müəllif 20 Yanvar faciəsi və Xocalı soyqırımı ilə bağlı həqiqətləri bədiləşdirib oxuculara çatdırır.
Kitabın tərcüməçisi Şermurad Subxon Eluca Atalı ilə əməkdaşlığından söhbət açıb, bundan sonra da bu istiqamətdə əlaqələrin davam edəcəyini bildirib. Eluca Atalı “Daşkənddə çap edilən “Özünü gətir” və Bakıda dərc olunan “Tiqranizm Xocalıda” kitablarının təqdimatını keçirdiklərinə görə S.Abbasova minnətdarlıq edib, İsveçdə Azərbaycan həqiqətlərinin yayılması istiqamətindəki fəaliyyətindən danışıb.
Baxış sayı: 1 921
Recep Tayyip Erdoğan: We will never forget the pain of the Khojaly tragedy
Shehbaz Sharif: Our friendship, political understanding, union of thought and action with Azerbaijan at international levels have been legendary
Trial of persons charged with numerous crimes against the Azerbaijani people continues
President: The entire Karabakh region and the East Zangezur region are reviving, and we see this clearly every day
President Ilham Aliyev reviewed conceptual project for Asgaran Fortress Complex