“TRIPP layihəsi Ermənistanla Azərbaycan arasında sülh müqaviləsi imzalanmazdan əvvəl işə salına bilər”.

Bu barədə Ermənistanın xarici işlər naziri Ararat bildirib.

Mirzoyan xatırladıb ki, sülh müqaviləsinin mətni artıq paraflanıb və hər iki ölkə sənədin məzmununu şübhə altına almadığını rəsmi şəkildə bəyan edir. 

Nazir bildirib ki, imzalanmış sazişin olmamasına baxmayaraq, Ermənistanla Azərbaycan arasında faktiki olaraq artıq real sülh bərqərar olub:

“Deməli, TRIPP layihəsinin işə salınması üçün sülh lazımdır və o, artıq mövcuddur”.

XİN rəhbəri deyib ki, əvvəlcə sülh müqaviləsinin imzalanması, daha sonra isə birgə layihələrin həyata keçirilməsinə başlanılması ardıcıllığı məntiqli görünərdi. Lakin onun sözlərinə görə, praktikada hadisələr heç də həmişə bu ardıcıllıqla inkişaf etmir.