FACT-INFO.AZ » MƏDƏNİYYƏT » Ceyhun Mirzəyev anılıb
4-05-2017, 22:05 | MƏDƏNİYYƏT
Ceyhun Mirzəyev anılıb

C.Cabbarlı adına Respublika Gənclər Kitabxanasında tanınmış aktyor, Azərbaycan kinosunun “İsmayıl”ı adlanan Ceyhun Mirzəyevin anadan olmasının 70 illiyinə həsr edilmiş anma tədbiri keçirilib.

Kitabxananın direktoru, Əməkdar Mədəniyyət İşçisi Tahir Sadıqov əslən Qarabağdan olan, hadisələri həyəcanla izləyən, torpaq itkisi ilə barışmayan Ceyhun Mirzəyevin kino sənətində işıqlı bir sima kimi əbədiləşdiyini diqqətə çatdırıb.

“Dünya Azərbaycanlılarının Həmrəyliyinə Dəstək” İctimai Birliyinin sədri Tofiq Əlizadə C. Mirzəyevin hələ uşaqlıqdan “Ögey ana”, “Əsl dost”, “Görüş”, “Dəli kür”, “Yenilməz batalyon” filmlərində yaddaqalan obrazlar yaratdığını bildirib.

Tədbirdə Xalq artistləri - Elxan Qasımov, Şamil Süleymanlı, Eldost Bayram, kinorejissor, Əməkdar İncəsənət Xadimi Kənan Məmmədov və başqaları unudulmaz aktyorun şərəfli həyat yolundan söhbət açıblar. Onun təkcə aktyor, rejissor deyil, həm də bir dost kimi müsbət xüsusiyyətlərindən danışıblar.

C.Mirzəyevin yaradıcılığının qaynar çağında, 46 yaşında həyatdan getməsini təəssüflə qeyd edən sənət dostları onun xatirəsinin həmişə xalqımızın ürəyində yaşayacağını söyləyiblər.

Onun rejissor kimi “Mozalan” satirik kinojurnalında yaratdığı yumoristik səhnəciklərin hələ da qızıl fondda saxlandığını bildiriblər.

Çıxış edənlər Xocalı soyqırımına həsr etdiyi “Fəryad” filminin onun sonuncu rejissor işi olduğunu bildiriblər.

Vurğulanıb ki, Qarabağın Abdal-Gülablı kəndində dünyaya gələn, torpaq itkisini, erməni daşnaklarının Azərbaycan xalqına qarşı həyata keçirdikləri soyqırımı siyasətini həyəcanla izləyən C.Mirzəyevin ürəyi bu dəhşətlərə dözə bilmədi, elə “Fəryad” filminin çəkilişləri zamanı dünyasını dəyişdi.

C.Mirzəyev kino sahəsinə 5 yaşında gəlib, sonralar tanınmış aktyor, rejissor köməkçisi, rejissor kimi fəaliyyət göstərib, Azərbaycan İncəsənət İnstitutunun, Moskva Kinematoqrafçılar İnstitutunun məzunu olub.

Onun birinci və sonuncu filmində canlandırdığı obrazın da İsmayıl adlandığını söyləyən dostları C. Mirzəyevin işıqlı çöhrəsinin hər zaman ekranlarımızın yaddaşında qalacağını, yaratdığı parlaq obrazların xalqın hafizəsindən silinməyəcəyini, xalqın “İsmayıl”ı olaraq xatirələrdə, ekranlarda yaşayacağını bildiriblər.

 

     

 

 




Baxış sayı: 2 323
Vyetnam Prezidenti: Azərbaycanı regionda daimi mühüm strateji tərəfdaş kimi qəbul etmişik Dünən, 12:30 Yeni Azərbaycan Partiyasının yaradılmasından 34 il ötür Dünən, 11:00 Prezidentlər İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub Dünən, 11:00 Müdafiə Nazirliyində NATO nümayəndə heyəti ilə görüş keçirilib Dünən, 11:00 Ağdam Şəhər Günü konsert proqramı ilə qeyd olunub 20-11-2026, 20:00 Azərbaycan, Gürcüstan və Türkiyə hərbçilərinin iştirakı ilə keçirilən “Eternity-2026” təlimi başa çatıb 20-11-2026, 19:00 Azərbaycan Prezidenti İlham Əliyevin Vyetnamın Baş naziri ilə görüşü olub 20-11-2026, 12:30 Azərbaycana akkreditə olunmuş diplomatlar Böyük Qayıdış prosesi barədə məlumatlandırılıblar 20-11-2026, 12:30 Məleykə Abbaszadə BDU-nun rektoru vəzifəsinə təyinatı ilə bağlı açıqlama yayıb 20-11-2026, 11:00 QHT Agentliyi 2027-ci il üzrə kiçik və böyük qrant müsabiqələrini elan edir 20-11-2026, 09:30 Ukraynanı və Azərbaycanı qarşılıqlı hörmət birləşdirir 19-11-2026, 19:30 “Eternity-2026” təlimi çərçivəsində Azərbaycan-Gürcüstan nümayəndələrinin görüşü keçirilib 19-11-2026, 19:00 Western Azerbaijan Community calls on Tom Lantos Commission to abandon biased approach 19-11-2026, 17:30 Putin Ukrayna ilə danışıqların müddəti barədə danışıb 19-11-2026, 17:00 Prezident İlham Əliyev Vyetnam Xəbər Agentliyinə müsahibə verib 19-11-2026, 14:30 Azərbaycanda aqrar subsidiyalardan investisiyayönümlü dəstəyə keçid hədəflənir 19-11-2026, 12:30 On ayda sürət həddinin aşılması səbəbindən yol qəzalarında 256 nəfər ölüb 19-11-2026, 12:00 Azərbaycan və Gürcüstan alimləri Nizami və Rustaveli yaradıcılığını birgə tədqiq edirlər 19-11-2026, 10:30 Fransa hökumətini qərəzli yanaşmadan əl çəkməyə və Azərbaycanın daxili işlərinə müdaxilədən çəkinməyə çağırırıq 19-11-2026, 10:00 QHT Agentliyinin 2027-ci il üzrə qrant müsabiqələri elan olunacaq 19-11-2026, 10:00 Yaşar Gülər: Azərbaycanla əməkdaşlıq qarşılıqlı etimad əsasında güclənir 18-11-2026, 17:30 Yohan David Vadeful: Azərbaycan Avropa üçün çox önəmli tərəfdaşdır 18-11-2026, 17:30 Nəğmələrdə yaşayan ömür 18-11-2026, 17:00 ANAMA sədri "Ukraynada Mina Fəaliyyəti üzrə" 4-cü Konfransda iştirak edib 18-11-2026, 15:30 “Eternity-2026” təliminin iştirakçıları Zəfər parkını ziyarət ediblər 18-11-2026, 12:00 ABŞ Azərbaycana ərazilərin minalardan təmizlənməsində yardım göstərə bilər 18-11-2026, 11:00 Agentlik sədri: Süni intellekt daha strateji və yaradıcı düşünməyimiz üçün bizə geniş meydanlar açır 18-11-2026, 11:00 COVID-19-a yoluxmuş şəxslərdə xəstəliyin hansı fəsadları qalmaqdadır 18-11-2026, 10:00 MDB ölkələri terror təhlükələrinə qarşı birgə mübarizə sahəsində əhəmiyyətli təcrübə toplayıblar 18-11-2026, 10:00 Rizvan Nəbiyev: Azərbaycanın xarici siyasət imkanlarının genişləndirilməsi qarşıdakı dövrün prioritet istiqamətlərindəndir 18-11-2026, 09:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30