341 tələbə universitetin həyətində "Qarabağ" sözünün təsvirini yaradıblar. Təşkilatçı Mobil Qarayev bildirib ki, aprel ayında cəbhədə gedən döyüşlərdə şəhid olan əsgərlərimizin xatirəsinə həsr olunan fləşmoba hər bir tələbə böyük maraq və həvəslə, ruh yüksəkliyi ilə qatılıb. Tədbirdə tələbələr "Qarabağ bizimdir, bizim olacaq!", "Şəhidlər ölməz, Vətən bölünməz!" kimi şüarlar səsləndiriblər. 
Mərasimə toplaşanlar apreldə cəbhədə baş verən uğurun davamının gələcəyinə, işğal altındakı torpaqlarımızın azad ediləcəyi günün çox uzaqda olmadığına əminliklərini ifadə ediblər. (qhtxeber.az)