Layihə çərçivəsində Azərbaycan Texniki Universitetində Aprel şəhidimiz Müşfiq Arif oğlu Orucovun xatirəsinə həsr olunmuş tədbir keçirilib.

Fact-info.az-a verilən məlumata görə, tədbirdə 20 Yanvar İB-nin sədri, layihə rəhbəri Sultan Əzimzadə, istefada olan hərbi qulluqçu Mustafa Əliyev, şəhidin atası Arif Orucov, general-leytenant Yaşar Aydəmirov, general –mayor Məmmədhuseyn Sarıyev, polkovnik Hikmət Agayev, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvü Emin Həsənli, kapitan Anar Məmmədov, polkovnik Həsən Əmirov, kapitan Anar Məmmədov, “Konstitusiya” Araşdırmaları Fondunun prezidenti Əliməmməd Nuriyev , AzTU-nun prorektoru İsa Xəlilov, Vision TV-nin redaktoru Fərqanə Əliyeva və universitetin tələbələri iştirak ediblər.

Layihənin rəhbəri Sultan Əzimzadə bildirib ki, hər bir gəncimizin vətənpərvər ruhda böyüməsi, gələcəkdə dövlətə layiqli vətəndaş kimi yetişməsi vacibdir. Bunun üçün ölkəmizin ərazi bütövlüyü uğrunda döyüşlərdə həlak olan vətənin “Qalibiyyət Qartalları”nın gənc nəsil arasında tanıdılması, xatirələrinin yad olunması, eləcə də vətənpərvərlik istiqamətində maarifləndirici tədbirlərn keçirilməsi aktual, eləcə də çox əhəmiyyətli bir məsələdir.Bu səbəbdən qəhrəmanlarımızın tanıdılması istiqamətində maarifləndirmə işlərimiz davamlı olacaq.

Layihə çərçivəsində tələbələr üçün “Vətən Igidləri ilə Tanınır” adlı kitab və buklet hazırlanıb.Bu kitabda layihə çərçivəsində seçilmiş Qəhrəmanlarımız haqqında ətraflı məlumat verilib.

Toğrul

Fact-info.az