“Bakı, Qusar və Neftçala şəhərlərində yeniyetmə və gənclər arasında qəhrəmanlarımızın təbliği” layihəsi çərçivəsində 20 Yanvar şəhidi olan İlham Allahverdiyev Əjdər oğlunun oxuduğu 54 № -li tam orta məktəbdə xatirəsinə həsr olunmuş şagirdlərlə görüş keçirib.

Tədbirdə 20 Yanvar İB-nin işçi heyəti, Layihə rəhbəri Sultan Əzimzadə, ekspert Mustafa Əliyev, pr.menecer Qahirə Məmmədova ,mühasib həmçinin Sosial İqtisadi Araşdırmalar İB-nin sədr muavini Fərqanə Əliyeva , şəhid İlham Allahverdiyevin qardaşı Elxan Allahverdiyiev, hərbi jurnalist ehtiyatda olan hərbiçi mayor Şəmistan Əlizamanlı, Qazilər.az saytının rəhbəri və Qarabağ əlili Rey Kərimoğlu, şəhid İlham Allahverdiyevin iş yoldaşı Asif İbrahimxəlilov, 20 Yanvar” İB-nin Nəsimi rayon şöbəsinin sədri Tofiq Allahverdiyev, “ 20 Yanvar” İB-nin idarə heyətinin üzvü, Binəqədi rayon şöbəsinin sədri Mübariz İsmayılov və KİV- nümayəndələri iştirak etmişdir.

Tədbir giriş sözü ilə açan Layihənin rəhbəri Sultan Əzimzadə bildirib ki, cəmiyyətimizdə yeniyetmə və gənclər arasında vətənpərvərlik hisslərinin və vətən sevgisinin aşılanması, vətən uğrunda canından keçmiş vətən oğullarımızın həyat və qəhrəmanlıq sərlövhələrinin təbliği vacib və lazım məsələlərdən biridir. Çünki yeniyetmə və gənclər bu ölkənin gələcəyidir. Düzdür gənclərimiz arasında vətənpərvərlik hissləri yeterincə vardır, lakin bu yönümdə davamlı olaraq təbliğat və maarifləndirmə işləri görülməlidir. Qəhrəmalıq tariximiz gənc nəslin yaddaşına həkk olunmalıdır ki, vətən uğrunda canından keçmiş qəhrəman oğullarımızın xatirəsi daimi yaşar olsun.

Tədbirdə hərbi jurnalist Şəmistan Əlizamanlı, Allahverdiyev Elxan, şəhidin iş yoldaşı İbrahimxəlilov Asif və başqaları çıxış edərək fikirlərini yeniyetmə və gənclərlə bölüşmüşdür. Məktəbin şagirdləri musiqi proqramları ilə çıxış ediblər. Sonda Şəmistan Əlizamanlı hərbi yönümlü mahnılar ifa edərək tədbiri bitirmişdir.

Layihəni “20 Yanvar” İctimai Birliyi Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə icra edir və 31.10.2018-ci il tarixinədək davam edəcək.

Toğrul

Fact-info.az