Kitab Azərbaycanın ilk hərbi təyyarəçisi Fərrux Qayıbovun və Qarabağ uğrunda canlarını fəda etmiş hərbi pilotların şərəfli döyüş yolundan bəhs edir. İştirakçılar bu nəşrii Vətən oğullarına, onların haqq işi uğrunda mübarizəsinə həsr olunmuş mənzum dastan adlandırıblar və yeniyetmələrin vətənpərvərlik ruhunda tərbiyə olunması baxımından yüksək qiymətləndiriblər. Aprel şəhidlərinin ailələri adından çıxış edən Pərişan Musazadə, Rəna İsmayılova, Nəzakət Qurbanova, Hacı Yaqub Vəliyev və başqaları Vətən uğrunda canlarından keçmiş əzizlərinin düşmənə layiqincə cavab verdiklərini söyləyiblər. Çıxışlarda müəllifin bu əsərdə təkcə özünün deyil, həm də bir xalqın hisslərini əks etdirdiyi vurğulanıb. Sonda Zəminə Xınalı tədbirin təşkilatçılarına və iştirakçılarına minnətdarlığını bildirib.