“Yeni Yurd” Sosial İnkişaf ictimai birliyinin sədr müavini Dilbər Sultanova, Xocalı Mərkəzi rayon Xəstəxanasının Baş həkimi Aqil Məmmədov, Gəncədə fəaliyyət göstərən “Şans” Tibb Mərkəzinin və Bakıda fəaliyyət göstərən Türkiyəli iş adamı Mehmet Akbiyikin, Bakıda fəaliyyət göstərən “ARMY Super market”in işgüzar kollektivinin birgə təşkilatçılığı ilə Goranboy rayonunun Yuxarı Ağcakənd qəsəbəsində Xocalı rayonundan olan məcburi köçkünlərin övladları və ya nəvələri üçün sünnət mərasimi keçirilib.Tədbiri Xocalı Mərkəzi rayon Xəstəxanasının Baş həkimi, “Xocalı Soyqırımını Tanıtma”ictimai birliyinin Gəncə Regional Departamentinin rəhbəri, Qarabağ qazisi Aqil Məmmədov açdı. Azərbaycanın Dövlət Himni səsləndi. Aqil həkim tədbir iştirakçılarını salamladı və bu xeyirxah işə dəstək duran hər bir şəxsə öz təşəkkürünü bildirdi.

Xocalı rayon İcra Hakimiyyətinin Başçısı Şahmar Usubov təşkilatçıların hər birinə rayon rəhbərliyi adından təşəkkür etdi. Azərbaycan Respublikası Milli Məclisinin deputatı Elman Məmmədov, Respublikanın Xalq Artisti Ağadadaş Ağayev, Tanınmış müğənni Cavad Rəcəbov, Türkiyəli iş adamı Mehmet bəy Akbiyik, “Yeni Yurd”Sosial İnkişaf ictimai birliyinin sədri Mahirə Əsədova, “Xocalı Soyqırımını Tanıtma” ictimai birliyinin sədri, Qarabağ qazisi Şamil Sabiroğlu, “Lider” Televiziyasında efirə gedən “Xeyirli axşamlar” verilişinin layihə rəhbəri Zərifə Çobanzadə, “Şans”Tibb Mərkəzinin direktoru Malik Abasov, “Xocalı Soyqırımını Tanıtma”ictimai birliyinin Qadınlar Şurasının sədri Ayna Allahyarqızı və başqaları bu xeyriyyə aksiyasının mühüm əhəmiyyətini qeyd etdilər.

Xocalı şəhər Musiqi məktəbinin kollektivi rəngarəng konsert proqramı ilə tədbir iştirakçıları qarşısında çıxış etdilər.Bədii rəhbər Rüstəm Hümbətov, ifaçılar- İsmayıl Məmmədov, Vüsalə Hümbətova, Flora Cavadova,qarmon ifaçısı İqbal Qəhrəmanov, nağarada Elnur Əliyev, habelə, Respublikamızın Xalq Artisti Ağadadaş Ağayev, tanınmış müğənni Cavad Rəcəbov, meyxana ustası Tərlan Novxanılı və başqaları tamaşaçılara xoş əhval-ruhiyyə bəxş etdilər. Sonda biz, sünnət mərasimini təmənnasız keçirən “Şans”Tibb Mərkəzinin kollektivinə, xüsusən də, Malik Abasov,İlkin Həsənov, Sədaqət Abasova, Qoşqar Məhərrəmov, Mahir həkim, Slavik həkim, Nofəl həkim və digər ağxalatlılara təşəkkür edirik.

Şamil Sabiroğlu, “Tərəqqi”medalının mükafatçısı, Qarabağ qazisi,

Xəyalə Əliyeva, Şamilə Şamilqızı. Goranboy rayonu, Yuxarı Ağcakənd qəsəbəsi.