Göyçaydan söhbət düşəndə, ağır zəhmət bahasına başa gələn nar düşür yadımıza. Rayon əhalisinin zəhmətsevərliyi sayəsində burda kənd təsərrüfatı,əkinçilik də yaxşı inkişaf edib.Gözəl qəlbə malik xeyirxah insanları isə geniş söhbətin mövzusudur. Biz, 2017-ci ilin aprel ayında "Xocalı Soyqırımını Tanıtma"ictimai birliyinin Mərkəzi Aran rayonları üzrə şöbəsini yaradanda da rəhbər heyətini Göyçaydan seçdik. 2 ali məktəbi bitirmiş Vüsal Əminağa oğlu Mirzəyev Regional şöbənin sədri təyin edildi. Regional şöbənin tədbirlər planına uyğun olaraq, 2018-ci il yanvarın 11-də Göyçay şəhidlərini anma mərasimi keçiriləcək.

Sevindiricidir ki, Göyçay rayonunu təmsil edən alimlər, həkimlər, habelə, musiqçilər var. Məlumat aldım ki, bu günlərdə Arif Məmmədov adına Göyçay Uşaq Musiqi Məktəbinin 60 illik yubileyi keçirilib.Yubiley gecəsində rayon İcra hakimiyyətinin Başçısı çox hörmətli Mehdi Səlimzadə iştirak və çıxış edib.Tədbirin ən maraqlı anlarından biri-tanınmış musiqişünas Arif Məmmədovun qızı,ixtisasca həkim olan Gülər İbrahimovanın da yubiley mərasimində iştirak etməsidir. Fürsətdən istifadə edərək, Arif Məmmədov adına Göyçay Uşaq Musiqi Məktəbinin bütün işgüzar kollektivini-başda hörmətli Rövşən Zamanov olmaqla- 60 illik yubiley münasibətilə səmimi qəlbdən təbrik edir, doğma yurdumuzun rifahı naminə yeni -yeni uğurlar arzulayıram.

Şamil Sabiroğlu,

"Xocalı Soyqırımını Tanıtma"ictimai birliyinin sədri, "fact-info.az" və "xebertv.az"saytlarının redaktoru, "Ana harayı"qəzetinin baş redaktoru, "Tərəqqi"medalının mükafatçısı, Qarabağ qazisi.