Azərbaycan Maarifçi Gənclər Təşkilatı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyilə “Yaddan çıxmaz Qarabağ” kitabını Almaniya ictimaiyyətinə təqdim edib. 

 Türk, ingilis, alman və rus dillərinə tərcümə edilmiş kitab valideynləri işgala məruz qalmış torpaqlarda yaşayan 22 nəfər uşaq və yeniyetmənin bu suala verdiyi cavabların toplusudur.  

 Berlin şəhərində baş tuttan təqdimat mərasimində Azərbaycan Maarifçi Gənclər Təşkilatının sədri Ruhiyyə Aslanova Şuranın maliyyə dəstəyi ilə reallaşdırılan kitab haqqında məlumat verib. O, Qarabag mövzusunu çatdırmaq üçün belə bir kitaba ehtiyac duyuldugunu vurgulayıb.  

 Kitabın müəllifi Günay Malikqızı müsahiblərinin kiçik yaşlarına baxmayaraq, cəsarətlə onun suallarına cavab verdiklərini xüsusilə vurgulayıb: “Onların heç vaxt görmədikləri kəndləri haqda kiçik detallarla danışmaları məni çox sevindirdi. Uşaqlar, el-obalarına sahib çıxacaqlarını gizlətmirdilər. Onların sonsuz inamı məni də ruhlandırdı”.