Qəlbimdən süzülən söz payım millət, 
Vətəni, torpağı sevənlərindi. 
Döyünən ürəyim, göz payım qardaş,
Qeyrəti, --Bayrağı öyənlərindi. 

...........................................................

Od-alov içində barıt qoxuyan, 
Əsgərə qurbandır nəfəsim, canım, 
Özünü ölümə, oda toxuyan, 
Övlada halaldır saf, təmiz qanım. 

..................................................................

Düsmənə mərdliklə sinə gərdiniz, 
Ulu yurdumuzun qəhrəmanları, 
Azadlıq uğrunda hərbə girdiniz, 
Qırdınız o xain mən baxanları. 

.................................................................

İnamla vuruşduq, Zəfər bizimdir,
Siz ey xalqımızın mərd oğulları,
Qələbə müjdəli səhər bizimdir,
Qovduq  yurdumuzdan o çugulları.

.....................................................................

Siz ey Vətənimin xilaskarlari,
Adınız şərəflə anılır hər an,
Məhv olsun nəfskar qəsbkarları,
Yaşayaq müstəqil, azad, firavan!

....................................................................

Müstəqil dövlətim,--şərəfim, adım,
Qanla yazilmişdir, Azadlıq sözü,
İnamım, ümidim, arzum, muradım...
Sənsən duyan qəlbim,bəsirət gözüm.

.....................................................................

18 Oktyabr--Tarixi bir gün,
Yaşasın müstəqil Azərbaycanım,
Üç rəngli bayrağım bərq vurur hər gün,
Diqqətlə döyünür bədəndə canım...

..................................................................

Zəfərlə, sülh ilə yaşasın ölkəm ,
Boylansın dünyaya məğrur baxışla,
Ayağım altında sürunsün kölgəm,
Qoy adım səslənsin Fəxri alqışla !

Ayaqda qal, Milli Ordum,--Hünərim,
Ana Yurdum, Sən ey nurlu səhərim !

Ağatahir Cəbirli 
"Qızıl Qələm" media  mükafatı laureatı, şair, publisist