Tanınmış təhsil işçisi, işıqlı insan, bütünlüklə ömrünü pedaqoji sahəyə həsr edən Əlövsət Qurbanovun ötən gün sosial şəbəkədə paylaşımına rast gəldik.

Əlövsət müəllim yazırdı: “Səhhətimdə yaranan ağır problemlə bağlı Bakı Sağlamlıq Mərkəzinin uroloq-androloqu, peşəkar həkim Nail Şirinova müraciət etdim.Müayinələrdən sonra məlum oldu ki, təcili əməliyyat olunmalıyam. Əməliyyat çox uğurla sonlandı. Mən bir ziyalı olaraq Bakı Sağlamlıq Mərkəzinin rəhbərliyinə və onun bütün heyətinə dərin təşəkkürlərimi çatdırıram. Çox sevinirəm ki, Azərbaycanda belə bir tibb müəssisəsi var. Həkim Nail Şirinov həm yüksək dərəcəli mütəxəssis, həm də əsl insanlıq nümunəsidir.Var olun doktor.  Allahın mərhəməti və sizin şəfalı əlləriniz məni dəhşətli ağrılardan qurtardı. Allah sizi qorusun”.

Gerçəkdən belə bir həkim haqqında xoş sözlər eşitmək çox gözəldir. İnsanı ağrılardan xilas edən, rahat ömür bəxş edən, insanlığa və öz peşəsinə sadiq qalan tibbi heyəti alqışlamaq lazımdır. Sevindirici haldır ki, belə peşəkar həkimlər yetişir.  İndi qısaca Nail Şirinov haqqında danışaq.

 Şirinov Nail İlham oğlu 1983-cü ildə Füzuli rayonunun Əhmədalılar kəndində anadan olub. 1993-cü ildə məcburi köçkün kimi Bakı şəhərinə köçüblər. 2003-2007-ci illərdə  Azərbaycan Tibb Universitetinin müalicə-profilaktika fakültəsində  təhsil alıb. 2007-ci ildə  müalicə profilaktika fakültəsindən Hərbi Tibb fakültəsinə keçib. 2009-cu ildə həmin fakültəni bitirərək Tibb xidməti leytenantı hərbi rütbəsi ilə Qazaxda yerləşən N saylı hərbi hissəsdə həkim kimi  xidmətə başlayıb. 2011-ci ildə Hərbi Tibb fakültəsinə urologiya ixtisası üzrə rezidenturaya qəbul olub.. 2016-cı ildə rezidenturanı bitirərək Silahlı Qüvvələrin Baş klinik hospitalının əməliyyat blokunun həkim ordinatoru, sonra isə urologiya bölməsinin həkim ordinatoru vəzifəsində xidmətə başlayıb.

2023-cü ildə Silahlı Qüvvələrin baş klinik hospitalının əməliyyat blokunun rəisi vəzifəsinə təyin olunub.  2025-ci ilin iyun ayında polkovnik leytenant hərbi rütbəsi alıb. 2025-ci ilin noyabr ayından ehtiyata buraxılıb.  

Xatırladırıq ki, Nail Şirinov İkinci Qarabağ müharibəsinin iştirakçısıdır. Ehtiyatda olan polkovnik leytenantdır. Hazırda Bakı sağlamlıq mərkəzinin urologiya bölməsinin həkim ordinatoru vəzifəsində çalışır. Millətə, dövlətə, insanlara ləyaqətlə xidmət edən bütün peşə sahiblərinə, o cümlədən həkimlərimizə uğurlar diləyirik.

Fact-info.az