Bu barədə İsrailin Haaretz nəşri məlumat yayıb. Qərarın Azərbaycanın etirazından sonra verildiyi bildirilir.

Məlumata görə, İsrail rəsmiləri azərbaycanlı həmkarlarını əmin ediblər ki, bu məsələ Knessetin gündəliyindən çıxarılacaq. İsrail mənbəsinin sözlərinə görə, Baş nazir Benyamin Netanyahu Azərbaycan Prezidentinin yüksək vəzifəli siyasi müşavirinin ofisi ilə əlaqəsindən sonra səsvermənin keçirilməsini bloklayıb.

Bildirilib ki, bununla da "erməni soyqırımı"nın tanınması ilə bağlı məsələ Knessetin gündəliyindən çıxarılıb və yay tətili ərəfəsində keçirilən son plenar iclaslarda səsverməyə çıxarılmayacaq.