Azərbaycan Kooperasiya Unveristetinin 'Mühəndislik və Texnalogiya" fakultəsinin dekanı, iqtisad üzrə fəlsəfə doktoru, dosent Afiq Cavanşir oğlu Nəsibovun doğum günüdür.

Afiq Nəsibov 29 iyun 1984-cü ildə Kürdəmir rayonunun Qaraqocalı kəndində ziyalı ailəsində anadan olmuşdur. Orta təhsilini Kürdəmir rayonunun Köhnəbazar kənd orta məktəbində almış, 2001-ci ildə həmin məktəbi müvəffəqiyyətlə başa vurmuşdur.

Ali təhsilini Azərbaycan Beynəlxalq Universitetində "Vergi işinin təşkili və idarə edilməsi" fakültəsinin "İnzibati idarəetmə" ixtisası üzrə almışdır. Sonralar bilik və peşə hazırlığını daha da inkişaf etdirmək məqsədilə Ukraynanın S. Kuznets adına Xarkov Milli İqtisad Universitetində "Biznesin idarə edilməsi" ixtisası üzrə magistratura təhsili almışdır.

Elmi-pedaqoji fəaliyyətə 2017-ci ildə Azərbaycan Kooperasiya Universitetinin "Biznesin idarə edilməsi, dövlət və bələdiyyə idarəetməsi" kafedrasında müəllim kimi başlayan Afiq Nəsibov qısa müddətdə təşkilatçılıq bacarığı, idarəçilik keyfiyyətləri və peşəkarlığı ilə seçilmişdir. 2018–2022-ci illərdə universitetin İdarəetmə fakültəsində dekan müavini vəzifəsində çalışmış, 13 oktyabr 2022-ci il tarixindən etibarən isə Azərbaycan Kooperasiya Universitetinin Ekspertiza və texnologiya fakültəsinin dekanı vəzifəsini uğurla icra edir.

Elmi fəaliyyət sahəsində də mühüm nailiyyətlər qazanan Afiq Nəsibov Azərbaycan Respublikasının Prezidenti yanında Ali Attestasiya Komissiyasının 29 oktyabr 2021-ci il tarixli qərarı ilə iqtisad üzrə fəlsəfə doktoru elmi dərəcəsinə layiq görülmüşdür. O, iqtisadiyyat, idarəetmə və biznes sahələrinə həsr olunmuş çoxsaylı elmi məqalə və konfrans tezislərinin müəllifidir.

Afiq Nəsibov öz fəaliyyəti ilə ali təhsildə müasir idarəetmə prinsiplərinin tətbiqinə, gənc mütəxəssislərin hazırlanmasına və universitet elminin inkişafına töhfə verən perspektivli alim və pedaqoqlardan biridir. Onun tələbələrə və gənc tədqiqatçılara göstərdiyi diqqət, eləcə də elm və təhsilin inkişafına xidmət edən təşəbbüsləri həm akademik mühitdə, həm də həmkarları arasında yüksək qiymətləndirilir.

Doğum günü münasibətilə Afiq Cavanşir oğlu Nəsibovu səmimi-qəlbdən təbrik edir, ona möhkəm cansağlığı, ailə səadəti, uzun ömür, elmi-pedaqoji fəaliyyətində yeni nailiyyətlər və gələcək işlərində uğurlar arzulayırıq.

Tədqiqatçı Nuralı İsmayılov