Quba rayonunda fəaliyyət göstərən “Xalça Dünyası Assosiasiyası” İctimai Birliyi “Xalçaçılıq sənətinin təbliği məqsədilə müxtəlif tədbir və aksiyaların təşkili” layihəsi çərçəvisdəndə ilk təlimini keçirib.

 Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə icra olunur.

 Təlimdə İctimai Birliyin sədri, Azərbaycanın ilk sahibkar qadını Fatimət Ağamirzəyeva layihə və onun məqsədindən danışıb. 

 F. Ağamirzəyeva xalqımızın əsrlər boyu qoruduğu və yaşatdığı qədim sənət növü olan xalçaçılıq tarixi, bu sənətin öyrənilməsi, unudulmaqda olan xalça naxışları haqqında ətraflı məlumat verib. 

 Sonra xanımlara xalçaların toxunma qaydaları nümayiş etdirilib və onların xalça toxuma texnikasına nəzarət edilib.