Hər kəsi əlçatan mənzillə təmin etmək üçün həm data, həm də tədqiqatlar baxımından ciddi boşluqların olduğunu qəbul etməliyik. Fact-info.az xəbər verir ki, bunu Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Akademiya və tədqiqat“ üzrə dəyirmi masada çıxışı zamanı BMT-nin Məskunlaşma Proqramının (UN-Habitat) icraçı direktoru Anaklaudia Rossbax deyib.

Onun sözlərinə görə, Qlobal Şimalda məlumatlar toplamaq haqqında təcrübə genişdir. Lakin Qlobal cənubda bu, yoxdur. Olduğu təqdirdə belə əlçatan deyil.

"Tədqiqatlar dataya əsaslanır. Odur ki, ciddi boşluqlar yaranır. Beləliklə ehtiyaclara cavab vermir. Qlobal Cənubda müxtəlif təsisatlar, elmi-tədqiqat institutları var, lakin onlar təcrübələrin, innovasiyaların tam dəyərini əhatə edə bilmir. Təəssüf ki bu, hələ də mümkün deyil. Bu barədə məlumat da kifayət qədər deyil. Potensialı necə birləşdirə, resursları necə səfərbər edə bilərik ki onlardan istifadə edək. Bu fundamental məsələdir. Ümidvaram ki, biz bu məsələ üzərində işləyəcək, birgə əməkdaşlıq ortaya qoyacaq, WUF13 və WUF Academiyası çətirindən istifadə edəcəyik. Biz proqramlarımız vasitəsilə tədqiqat gündəliyini genişləndirməliyik. UN-Habitat üçün potensialın artırılması və təlim burada əsas amillərdən biridir. Bu yeni şəhərlər üçün gündəliyə aiddir. Yerli hökumətlərdən, icmalardan, siyasətçilərdən, özəl sektordan faktları toplayıb potensialı necə artıra bilərik deyə düşünməliyik. Gəlin, bu gündəliyi birgə irəli aparaq. Odur ki, növbəti şəhərsalma forumuna ev sahibliyi edəcək Meksika qarşısında böyük vəzifə durur", - deyə icraçı direktor diqqətə çatdırıb.