Boğulmazdir millətimin haqq səsi,
Çünki, haqqla yoğrulub hər kəlməsi,
Himnimizdir Hurriyətin nəğməsi ,
Gömülməzdir bayraqdarı xalqımin !

Ər igidlər meydanlara sığındı,
Vətən daha qoy çəkməsin sıxıntı,
Məramımız xəlq edənə yaxındı,
Devrilməzdir iqtidarı xalqimın !

Odlar yurdu tapdandı,parçalandı,
Torpaq üstə göz yaşı qan calandı,
Yetər daha əzildik, haçalandıq...
Bölunməzdir ixtiyarı xalqımın !

Azadlığı vermişdilər, aldılar,
Haqq umanı zindanlara saldılar,
Güllələnib mərdlər şəhid oldular,
Əyilməzdir şux, qüruru xalqımın !

Zaman-zaman qanımızı sordular,
İşğalçılar dünyamızı qırdılar,
Təşnə, mənfur, qansız "qızil ordular",
Kəsilməzdir,şah damarı xalqımın !

Hədə-qorxu sındırmadı qüdrətin,
Min bir sitəm boğammadı hiddətin,

Diz çökmədi,alçaltmadı şöhrətin,
Bükulməzdir dağ vüqarı xalqımın !

Nəhs illərin ləkəsi var üzümdə,
Didərginlik kölgəsi var gözumdə,
Ölkə varmı Azərbaycan dözümdə?!
Yenilməzdir ilk baharı xalqımın !

Müjdələr dolusu novrağimız var,
Üç rəngli əbədi bayrağımız var,
Lətif, bərəkətli torpağımız var,
Tükənməzdir xoş nubarı xalqımın!

Həqiqət, Ədalət bərqərar oldu ,
Milli şüurumuz Şərqə yayıldı,
Parlaq səhifəli tarix yazıldı,
Pozulmazdır Haqq qərarı xalqımın !
Sinanmışdir etibarı xalqımın ! 

"Bir kərə yüksələn bir daha enməz !"
Sevgisiz Vətənin qəlbi döyünməz ,
Ölkəmin mənəvi günəşi sönməz,
İstiqlaldır ! Dil iqrarı xalqımın !
Sınanmışdır oğulları xalqımın !

Ağatahir Cəbirli 

Şair, publisist, " Qızıl Qələm" media mukafatı laureatı