Mayın 16-da Hüquqi və Demokratik İslahatlar Mərkəzi İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyin maliyyə dəstəyi ilə “Ailələrin hüquqi maarifləndirilməsi” layihəsi çərçivəsində Bakı şəhəri AVMV İB-nin akt zalında dəyirmi masa keçirib.

“Ailə dəyərlərinin cəmiyyətin inkişafinda rolu” mövzusunda keçirilən tədbirdə təşkilatın üzvləri, ekspertlər və ictimaiyyət nümayəndələri iştirak edib.

Tədbiri açan layihənin rəhbəri İlham Əliyev problemin aktuallığından və ailə modelinin qurulmasında cəmiyyətin fəallığının artırılmasından danışıb. HDİM rəhbəri bildirib ki, ailə özündə hüquqi əlaqəni əks etdirir. “Hər bir ailə üzvünün hüquq və vəzifələri var. Azərbaycan Respublikası Konstitusiyası ailə münasibətlərinin yaranmasının və möhkəmlənməsini özündə ehtiva edir. Buna görə də, ailələr həm mənəvi, həm də hüquqi əsaslarda formaşlaşmalıdır”.

Sosioloq Elçin Bayramlı milli ailə modelinin qorunmasının və milli mənəvi dəyərlər əsasında tərbiyəsinin vacib olduğunu deyib. Ekpsert gəncləri sosial şəbəkələrdən istifadə edərkən diqqətli olmağa çağırıb. O ailə qurularkən maddi yox, mənəvi dəyərlərə üstünlük verilməsinin, ailə üzvləri arasında münasibətlərin sevgi və fədakarlıq üzərində qurulmasının vacibliyini qeyd edib.

Azərbaycan Respublikası Beynəlmiləl Döyüşçülər Fondunun prezidenti, Əfqanıstan və Qarabağ müharibəsi veteranı Sərraf Orucov ailə dəyərlərinin qorunması üçün gənclərimizin milli mənəvi ruhda tərbiyə edilməsinin vacibliyini bildirib. O qeyd edib ki, Azərbaycan ailə modeli ən sağlam modeldir və biz minillərlə davam edən bu dəyərimizi yaşatmalıyıq.

Bakı şəhər Yaşıllaşdırma İdarəsinin əməkdaşı Aynurə Allahverdiyeva, müəllimə Nailə Şıxəliyeva və digərləri möz ilə bağlı fikirlərini bildiriblər. Qeyd edilib ki, milli ailə modelinin qorunması üçün gənclərin tərbiyəsi düzgün aparılmalıdır.

Sonda tədbir iştirakçılarını maraqlandıran suallara cavab verilib.