Bir agacam köküm üstə,

Budaq-budaq göz açmışam,

Vətən dadda bar istə,

Damar-damar iz açmısam,,

Bu torpağın təkinəcən

Ələnincə ələyindən

And içmişəm, bu torpağa,

Əl üzmərəm ətəyindən.

Sinəsinə çəkənəcən,

 Sinəm üstə çökənəcən...

 Fərhad kimi külüng çalıb,

Səadəti tapmalıyam,

Damcı-damcı dağa-daşa hopmalıyam...

Bu torpağa,

Bu torpaqdan ömrun yükun çəkənəcən.

Bu torpağa borcluyam mən,

Quruyunca köküm üstə,

Torpaq haqqı suçluyum mən...

Göyərincə üzüm üstə,

Bu torpağa bağlıyam mən,

Azerbaycan oğluyam mən !

Vətəndaşam köküm üstə,

Güvənməyə haqlıyam mən,

Ruhu qəlbimə səkənəcən,

Can istəsə gözum üstə,

Anam, Torpaq oğluyam mən,

Gözlərimi düyənəcən,

Özün mənə bükənəcən !

Ağatahir Cəbirli
Şair, publisist,
"Qızıl Qələm" media mukafatı laureatı