Azərbaycan xalqının yaddaşında əbədi iz qoymuş Heydər Əliyev, taleyin qaranlıq dönəmlərində millətə yol göstərən, onu parçalanmaq təhlükəsindən xilas edib müstəqilliyin zirvəsinə yüksəldən böyük şəxsiyyət kimi tarixdə yaşayır. Onun adı sadəcə bir liderin adı deyil – milli qürurun, azadlığın və dövlətçilik iradəsinin simvoludur.
Onun 103-cü ildönümündə Süleyman Sani Axundov adına 172 nömrəli tam orta məktəbin 1E sinifində keçirilən tədbir bu həqiqəti bir daha təsdiqlədi. Müəllimə Hüseynova Aygün balaca fidanların saf dünyasına Ulu Öndərin həyat yolunu, mübarizəsini və xalqına bəxş etdiyi azadlığı sevgi ilə çatdırdı. Şagirdlər – o cümlədən mənim oğlum Mirəli – diqqətlə dinləyərək bir dəqiqəlik sükutla Ulu Öndərin ruhunu yad etdilər. Bu an sadəcə bir sinif otağında deyil, bir millətin yaddaşında baş verdi. Çünki Heydər Əliyevi xatırlamaq, onun ideyalarını yaşatmaq hər bir Azərbaycanlının borcudur.
Məktəbin rəhbəri Vəfa Bağırova və təlim-tərbiyə işləri üzrə direktor müavini Elfira Nurullayeva, valideynlərin təşəkkürünə layiqdirlər. Onlar Mirəli və digər şagirdləri öz övladları kimi böyüdərək, vətənə sevgi ilə dolu bir nəsil yetişdirirlər. Bu, sadəcə təhsil deyil – milli ruhun, vətən sevgisinin, insanlıq dəyərlərinin uşaqlara aşılanmasıdır.
Öz adımdan və bütün valideynlərin adından məktəbin rəhbərliyinə və Aygün xanıma dərin təşəkkürümüzü bildiririk ki, belə maarifləndirici tədbirlər keçirərək uşaqlarımızın qəlbinə milli yaddaşı, vətən sevgisini və Ulu Öndərin ideyalarını köçürürlər. Bu tədbirlər balaca fidanların gələcəkdə köklü, güclü və vətənpərvər bir nəsil kimi yetişməsinə zəmin yaradır.
Heydər Əliyevin işığı bu gün də yolumuzu aydınladır. Onun ideyaları balaca Mirəlinin qəlbində, bütün şagirdlərin saf baxışlarında yaşayır. Bu baxışlarda sabahın güclü, müstəqil və xoşbəxt Azərbaycanı görünür.
Beləcə, bu tədbir bir daha sübut etdi ki, Heydər Əliyevin ruhu və ideyaları yalnız tarixdə deyil, gələcək nəsillərin qəlbində əbədi yaşayır.
Mövsümağa Ədalətoğlu,
AJB-nin üzvü
yazıçı-publisist
Baxış sayı: 130
Organizing committee holds meeting regarding hosting of WUF13
Giorgia Meloni: I am confident that the friendly relations between Italy and Azerbaijan will develop even further from now on
Hikmet Hajiyev: Azerbaijan is seeking clarity regarding fate of thousands of individuals reported missing
68 more families relocated to Khojavend district receive house keys
Irish parliamentary delegation visits Shusha and Khankendi
