Ötən dövr ərzində Ermənistan baş naziri  kilsənin yaratdığı acınacaqlı durumndan  imtina  etməyə cəhd göstərib. Əslində bu proses  N.Paşinyanın “II Qaregin öz könüllü subaylıq əhdini pozub və onun uşağı var” iddiaları ilə gündəmə gəlmişdi. Baş nazirın komandasının sərrast ittihamlarından və effektli tədbirlərindən sonra II Qaregin bir müddət qeyb olmuşdu.  Amma, lakin Erməni Apostol Kilsəsinin rəhbəri yenidən peyda olub. Fransanın paytaxtı Parisdə keçirilən diaspor konfransında II Qaregin  erməni diasporuna   müraciət ünvanlayıb. Muraciətdə diaspor təşkilatlarının vahid gücə çevrilməsi və “milli maraqların müdafiəsi” üçün birgə fəaliyyət göstərməsi çağırışı da yer alıb.

Həmçinin  erməni mediasının verdiyi məlumata görə, katolikos 12 aprel tarixində  gənclərlə görüşündə bəzi mesajlar  verib. O, çıxışında bildirib: “Arzuolunmaz bir vəziyyətlə üz-üzəyik, belə ki, kilsə hakimiyyət nümayəndələri tərəfindən hədəfə alınıb”.

 Heç şübhəsiz ki, II Qaregin Ermənistanda seçkiöncəsi Rusiyanın dəstəklədiyi revanşistlərə  dəstək məqsədilə erməni diasporunun və digər qüvvələrin köməyindən yararlanmaq istəyir. Bütün  bu proseslərdə Şimal qonşumuzun barmaq izləri görünür.

Tarixə nəzər salsaq Gülüstan və Türkmənçay müqavilələri ilə Rusiya imperiyası Azərbaycan torpaqlarını işğal etdikdən sonra erməni katolikosları yaranmış vəziyyətdən hər zaman yararlanmağa çalışıblar.  Onu da unutmaq olmaz ki, Moskva Cənubi Qafqazda son dayaq nöqtəsi sayıla biləcək Ermənistanı asanlıqla əldən buraxacağı inandırıcı deyil  və iyun seçkisi yaxınlaşdıqca digər sürprizlər gözləmək olar. Rusiya bütün vasitələrə əl atacaq ki, regionda hegemonluğunu qoruyub saxlaya bilsin.  Zavallı Paşinyanın buna necə tab gətirəcəyini zaman göstərəcək.

Unumayaq ki,  Ermənistanda parlament seçkisi həm daxili siyasi sabitlik, həm də regional geosiyasi balans baxımından mühüm əhəmiyyət kəsb edir.  Amma bir zərururi  məqam odur ki, hazırda Rusiya öz ölkəsinin yetərincə problemlərini həll etmək əvəzinə, Cənubi Qafqazda yenidən əski ssenarilərini gerçəkləşdirmək istəyir.

 Əkrəm Bəydəmirli