Sabitlik və sülh Türkiyənin xarici siyasəti üçün prioritet olaraq qalır. Bu gün İran ətrafındakı müharibənin tədricən bütün bölgəyə yayılmasını həyəcanla izləyirik. Münaqişə dərhal bitməli, tərəflər isə diplomatik masaya qayıtmalıdırlar. Ankara bu istiqamətdə fəal səylərini davam etdirir.
Fact-info.az xəbər verir ki, bu barədə Türkiyənin xarici işlər naziri Hakan Fidan Ankarada banqladeşli həmkarı Xalilur Rahmanla danışıqlardan sonra keçirilən mətbuat konfransında bildirib.
H.Fidan vurğulayıb ki, “Türkiyənin regionda sülhə nail olmaq üçün səmimi səyləri Ankaranın milli təhlükəsizlik tələblərindən geri çəkiləcəyi anlamına gəlmir”.
Bu baxımdan, o, ölkənin cənubu üzərində daha bir İran ballistik raketinin ələ keçirilməsini xatırladıb. “Biz bu yolverilməz hadisə ilə bağlı İran tərəfi ilə əlaqə saxlayırıq”, - deyə türkiyəli nazir bildirib və Ankaranın təxribatlara təslim olmayacağını vurğulayıb.
“Ankara bu ədalətsiz müharibəyə cəlb olunmaq istəmir. İrana hücumlar dərhal dayandırılmalıdır, həmçinin İranın region ölkələrinə hücumları da dayandırılmalıdır. Digər dövlətlər də təxribatlara uymamalıdırlar. İranın ətrafındakı münaqişə qlobal iqtisadi sabitliyi təhdid edir. İqtisadi sahədə mənfi nəticələr artıq bu gün hiss olunur”, - deyə o bildirib.
Baxış sayı: 145
Giorgia Meloni: I am confident that the friendly relations between Italy and Azerbaijan will develop even further from now on
Hikmet Hajiyev: Azerbaijan is seeking clarity regarding fate of thousands of individuals reported missing
68 more families relocated to Khojavend district receive house keys
Irish parliamentary delegation visits Shusha and Khankendi
Baku summons ambassadors of Belgium and Netherlands over anti-Azerbaijani documents
