FACT-INFO.AZ » AKTUAL » Vətənə həsr olunmuş mənalı ömür yolu
19-12-2025, 19:30 | AKTUAL
Vətənə həsr olunmuş mənalı ömür yolu
Vətən – bu müqəddəs kəlmə hər bir azərbaycanlının qəlbində müqəddəs bir and kimi yaşayır. Bu torpağın hər qarışı, hər daşı, hər zərrəsi şəhid qanı ilə yoğrulmuş, igid oğulların cəsarəti ilə qorunmuşdur. Bu igidlərdən biri də Həsənov Mahir Babayar oğludur – ömrünü Vətənə xidmətə həsr etmiş, səngərlərdə böyümüş, dağlarda qocalmış, lakin ruhu daim gənc və döyüşkən qalmış bir qəhrəmandır.
1993-cü ilin avqust ayında hərbi xidmətə başlayan Mahir Həsənov, 2015-ci ilin noyabr ayına qədər – düz 22 il boyunca ön cəbhədə, Vətənin ən qaynar nöqtələrində xidmət etmişdir. O, sadəcə bir əsgər deyil, əsl vətənpərvər, əsgərlərinə ata, qardaş, dost olmuş bir komandir idi. Polkovnik-leytenant rütbəsi ilə Silahlı Qüvvələrdən təxris olunan Mahir Həsənov, bu illər ərzində təkcə hərbi xidmətini deyil, həm də mənəvi borcunu yerinə yetirmişdir. Belə ki, Vətənin keşiyində dayanaraq, onun hər qarış torpağını canı - qanı bahasına qorumuşdur.
Onun xidmətləri dövlət tərəfindən də yüksək qiymətləndirilmişdir. Azərbaycan Respublikası Prezidentinin adından, Müdafiə Nazirinin əmri ilə bir sıra medallarla –
- “Qüsursuz xidmətə görə” 3-cü dərəcəli medal,
- “Qüsursuz xidmətə görə” 2-ci dərəcəli medal,
- “Qüsursuz xidmətə görə” 1-ci dərəcəli medal,
- Silahlı Qüvvələrin 10, 90 və 95 illik yubiley medalları
ilə təltif olunmuş, həmçinin çoxsaylı Fəxri Fərmanlara layiq görülmüşdür. Bu təltiflər Mahir Həsənovun fədakarlığının, peşəkarlığının və Vətənə sədaqətinin rəmzidir.
Təxris olunduqdan sonra belə, Mahir Həsənov Vətənə olan borcunu bitmiş saymamışdır. 2020-ci ilin 44 günlük Vətən müharibəsində könüllü olaraq ön cəbhəyə yollanmış, bir daha sübut etmişdir ki, Vətən sevgisi nə rütbə tanıyır, nə yaş. O, yenidən səngərlərə qayıdaraq, gənc əsgərlərlə çiyin-çiyinə döyüşmüş, onları ruhlandıraraq əsl qəhrəmanlıq nümunəsi göstərmişdir.
Mahir Həsənovun həyat fəlsəfəsi sadə, lakin dərin və mənalıdır: “Vətəni sevməyən ailəsini də sevə bilməz!” Bu sözlər onun həyatının, amalının və əqidəsinin təcəssümüdür. O, öz canını Vətənə sipər etməklə yanaşı, ailəsində də vətənpərvərlik ruhunu yaşatmış, oğlu Hikmətə körpə yaşlarından bu müqəddəs sevgini aşılamışdır. Bu gün Hikmət atasının yolunu davam etdirərək, Vətənin keşiyində dayanır, doğma torpaqlarını qürurla qoruyur.
Mahir Həsənovun həyat yolu – səngərlərdə keçən gənclik illəri, şaxtada, boranda əsgərləri ilə bölüşdüyü çörək, gecə-gündüz demədən qoruduğu sərhədlər – bir qəhrəmanlıq dastanıdır. O, təkcə silahı ilə deyil, ürəyi ilə də döyüşmüş, əsgərlərinə yalnız komandir deyil, həm də böyük qardaş olmuşdur. Çünki o bilirdi ki, Vətəni sevən insan, onun vətəndaşını da sevməlidir.
Salyan torpağında dünyaya göz açan Mahir Həsənov, bu torpağın ruhunu, nəfəsini, sədaqətini özündə daşıyır. Onun ömrü, bir öyüd-nəsihət kitabı kimi gələcək nəsillərə örnəkdir. Mahir müəllim sübut etdi ki, Vətən sevgisi sadəcə sözlə deyil, əməllə göstərilməlidir. Və bu əməllər tarixə yazılır, yaddaşlarda əbədi qalır.
*Bəziləri Vətəni sevir, bəziləri isə Vətən olur. Mahir Həsənov Vətənin özü kimi yaşadı.
*Onun addımları torpağın yaddaşına həkk olundu, nəfəsi dağların zirvəsində, səngərlərin sükutunda yaşayır.*
*O, təkcə bir ömür yaşamadı – o, bir millətin qürur salnaməsinə çevrildi.*
*Hər səhər günəş doğanda, onun kimi igidlərin ruhu bu torpaqlarda yenidən doğulur.
*Çünki Vətən, onu sevənlərin nəfəsi ilə nəfəs alır.*
Bu gün biz Mahir Həsənov kimi igidlərin sayəsində azad və müstəqil bir ölkədə yaşayırıq. Onların fədakarlığı, sədaqəti və qəhrəmanlığı bizim milli kimliyimizin, dövlətçiliyimizin təməlidir. Mahir Həsənovun adı, onun kimi igidlərin adı, Azərbaycan tarixində qızıl hərflərlə yazılmışdır. Onlar bizim qürurumuz, iftixarımız, gələcək nəsillərə örnək olan əsl Vətən oğullarıdır.
Vətən – bir ömürlük sevgidir. Mahir Həsənov isə bu sevginin canlı təcəssümüdür.
Mövsümağa Ədalətoğlu,
Yazıçı - publisist
Baxış sayı: 215
Moskva danışıqlarında ticarət, energetika, təhlükəsizlik sahələrinə dair məsələlərin nəzərdən keçirilməsi planlaşdırılır
Bu gün, 09:30
Bakıda Milli Qurtuluş Gününə həsr olunan bayram konserti
Bu gün, 09:00
Qarabağ döyüşçüsünün Şuşa xatirələrinin davamı
Bu gün, 08:00
Paytaxtda və 8 rayonda avtomobil yolunda təmir aparılır
Dünən, 19:30
Şuşa Bəyannaməsi strateji tərəfdaşlıq münasibətlərini tarixi mərhələyə yüksəldib
Dünən, 18:00
Azərbaycan XİN ABŞ və İran arasında əldə olunmuş razılaşmanı alqışlayıb
Dünən, 13:30
Prezident İlham Əliyev ABŞ Prezidenti Donald Trampı 80 illik yubileyi münasibətilə təbrik edib
Dünən, 08:00
Mayor İlqar Verdiyevin xatirəsinə həsr edilən abidənin açılış mərasimi keçirilib
Dünən, 07:30
Zelenski Rusiya ərazilərinə endirilən hava zərbələrinin detallarını açıqlayıb
14-06-2026, 14:30
Keçmiş Qarabağ döyüşçüsü Fərman Xəlilov: “Dövlət quruculuğu, inkişaf Milli Qurtuluş günündən başladı"
14-06-2026, 12:00
Ceyhun Bayramov Ben Blakla ABŞ-Azərbaycan Strateji Tərəfdaşlıq Xartiyasını müzakirə edib
14-06-2026, 09:30
Milli Qurtuluş Günü münasibətilə kitab sərgisi açılıb
13-06-2026, 12:00
Azad edilmiş ərazilərdə 47 müəssisədə əməyin mühafizəsi ilə bağlı maarifləndirmə tədbirləri aparılıb
13-06-2026, 12:00
Şuşada Türk Dövlətləri Rəqabət Forumu
13-06-2026, 11:30
Media nümayəndələri üçün insan hüquqlarının qorunmasına dair maarifləndirici sessiya keçirilib
12-06-2026, 19:30
İşğaldan Azad Edilmiş Ərazilərdə Daimi Məskunlaşma Fondu yaradılacaq
12-06-2026, 19:00
HDİM İB növbəti tədbirini Ağsuda keçirdi
12-06-2026, 18:30
Hərbi Dəniz Qüvvələrində döyüş atışlı taktiki təlim keçirilib
12-06-2026, 18:00
AIR Center Chairman: Azerbaijan's principled position towards Armenia remains unchanged
12-06-2026, 16:30
“Təbii Zəka - Natural Intelligence” sərgisi açılıb
12-06-2026, 10:00
“Platinum Wolf - 2026” təlimində "Yüksəksəviyyəli Müşahidəçi Günü" keçirilib
12-06-2026, 09:30
İşğaldan azad edilmiş ərazilərdə builki məzunların sayı açıqlanıb
12-06-2026, 09:30
Tramp: Bu gün İranla müharibəyə son qoyduq
12-06-2026, 09:30
“Maqadan: Sonuncu dayanacaq” kitabı
11-06-2026, 20:00
Aqrar sahədə mövzular QHT Agentliyinin növbəti qrant müsabiqələrində əsas istiqamətlərdən biri olacaq
11-06-2026, 19:00
Fərid Şəfiyev: Azərbaycanın Ermənistanla bağlı prinsipial mövqeyi dəyişməz olaraq qalır
11-06-2026, 18:30
Vətəndaşlara saxta CAPTCHA səhifələri ilə bağlı xəbərdarlıq edilir
11-06-2026, 18:00
Hava şəraiti ilə bağlı xəbərdarlıq
11-06-2026, 13:00
Azərbaycanın sülh gündəliyi regionda dayanıqlı inkişaf və təhlükəsizliyin əsas təminatıdır
11-06-2026, 12:30
Tanınmış Xalq rəssamının irsinə həsr olunan təqdimat hazırlanıb
11-06-2026, 12:30
AIR Center Chairman: Azerbaijan's principled position towards Armenia remains unchanged
Parties begin presenting arguments in appellate proceedings on appeals filed Armenian citizens
Azerbaijan, Türkiye and Georgia FMs meet in Istanbul
Azerbaijani Culture Days to open in Turkmenistan
US Secretary of State: TRIPP project is the anchor of a peace agreement between Armenia and Azerbaijan
