Türk dilləri macar dilinə təsir göstərib - xalqlarımız bir çox ortaq sözə və ortaq irsə malikdir ki, bu da əməkdaşlığın gücləndirilməsi üçün möhkəm təməl yaradır.
Fact-info.az-ın məlumatına görə, bu barədə AZƏRTAC-a “Hungarian News Agency” (MTI) Agentliyinin Beynəlxalq əlaqələr şöbəsinin müdiri Ester Riqo-Kantor Astanada keçirilən Türk Xəbər Agentlikləri Alyansının (ATNA) II Baş Assambleyası zamanı bildirib. İclasda MTI-nin müşahidəçi statusunda qəbul edilməsi təsdiqlənib.
O, həmçinin Macarıstanın Türk Dövlətləri Təşkilatının fəaliyyətində iştirakının əhəmiyyətini qeyd edib.
“Biz xəbər agentlikləri arasında qarşılıqlı fəaliyyətin inkişafına xüsusi diqqət yetiririk. Mən təcrübə mübadiləsi, həmkarların iş üsullarının öyrənilməsi, peşəkarlıq səviyyəsinin artırılması və tərəfdaşlıqların genişləndirilməsi üçün çoxsaylı əməkdaşlıq haqqında sazişlərin bağlanmasını vacib hesab edirəm”, - deyə Riqo-Kantor vurğulayıb.
Xatırladaq ki, ATNA-nın II Baş Assambleyası noyabrın 6-da Qazaxıstanın paytaxtında keçirilib. İki illik sədrlik rəsmi olaraq Türkiyədən Qazaxıstana keçib və alyansa rəhbərlik “Qazcontent” ASC tərəfindən həyata keçiriləcək.
ATNA 2023-cü il noyabrın 6-da türkdilli ölkələrin milli xəbər agentlikləri arasında əməkdaşlığı gücləndirmək məqsədi ilə yaradılıb.
Baxış sayı: 90
Romania’s Veridica publication highlights geopolitical shift in South Caucasus
President orders celebration of Azerbaijani poet Khagani Shirvani’s 900th anniversary
Jason Epstein: Successful implementation of the TRIPP project could bring significant benefits to both Armenia and Azerbaijan
TURKPA Secretary General meets with President of International Parliamentarians’ Congress
Azerbaijan’s Media Development Agency urges Meta to remove deepfake content attributed to Azerbaijani President