Şaban Abdulla (Şaban Abdulla oğlu Daşdəmirov) ali təhsilli jurnalistdir. O, I Vətən müharibəsində iştirak edib. Hazırda Balakən rayonunun Hənifə kəndində yaşayır. Ailəlidir, 4 övladı, 8 nəvəsi var.

Şaban müəllim ehtiyatda olan mayordur. O, həmçinin, ictimai sahədə də fəallıq göstərir.Hazırda "Xocalı Soyqırımını Tanıtma" ictimai birliyinin fəallarındandır.

Ş.Abdulla II Vətən savaşında iştirak etmiş və şəhid olmuş 31 soydaşımızın ömür yolu barədə kitab yazıb və onu çap etdirib. Sentyabrın 23-də Balakən rayon Mədəniyyət Mərkəzində "44 günlük savaşda Balakən fədailəri" kitabının təqdimat mərasimi keçirildi. Tədbiri ön sözün müəllifi, tarixçi-alim Akif Məmmədli açdı. Respublikamızın ərazi bütövlüyü uğrunda gedən döyüşlər zamanı şəhid olan soydaşlarımızın əziz xatirəsi 1 dəqiqəlik sükutla yad edildi. Akif müəllim kitab haqqında məlumat verdi. Dedi ki, bu kitab orta ümumtəhsil məktəblərinin yuxarı sinif şagirdləri və ali məktəb tələbələri üçün gözəl mənbədir.

"Azərbaycan bayrağı" ordenli"şəhid baş leytenant Harun Alqayevin atası Məhəmməd Alqayev, "Xocalı Soyqırımını Tanıtma" ictimai birliyinin Qax, Zaqatala və Balakən rayonları üzrə Regional şöbəsinin müdiri, müharibə veteranı Vaqif Hümbətov və başqaları Şaban müəllimə yeni-yeni yaradıcılıq uğurları arzuladılar.

Sonda hər bir ailəyə "Xocalı Soyqırımını Tanıtma" ictimai birliyi adından Təşəkkürnamə və müəllifin adından "44 günlük savaşda Balakən fədailəri" kitabı təqdim edildi.

Redaksiyadan: biz, qazi Şaban Abdullanı bu kitabın çapı ilə əlaqədar təbrik edir və Ali Baş Komandana həsr etdiyi şeiri təqdim edirik.

Şamil Sabiroğlu, jurnalist.

25.09.2025. 

Şaban Abdulla

Ali Baş Komandana

Cənab Baş Komandanım,

Xalqım Sizə güvəndi,

Bir yumruğa sarıldıq,

Vətənim bütövləndi.

Şuşa, biz gəldik dedin,

Duydu hər qaya, hər daş, 

Sizin bir kəlmənizlə 

Çiçəkləndi Qarabağ.

Otuz illik bu həsrət,

Biz dözürdük haçandı.

Yetdi vüsal söylədin-

Qarabağ Azərbaycandır!

Cənab Baş Komandanım,

Xalqım Sizə güvəndi,

Bir yumruğa sarıldıq

Vətənim bütövləndi.

Siyasət kürsüsündə

Sizə rəqib görmədik.

Sülh bizim amalımız.

Bir kəlmənlə birləşdik.

Azadsan, ay Xocalım,

Ay Ağdərəm, Xankəndim.

Əldə üçrəng bayrağım,

Sənin görüşünə gəldim.

Cənab Baş Komandanım,

Xalqım Sizə.güvəndi.

Bir yumruğa sarıldıq,

Vətənim bütövləndi.

Zəfər, mənim zəfərim, 

Zəfər mənim haqqımdır.

Düşmən gördü gücümü,

Ağ bayraqla dayandı.

Cənab Baş Komandanım,

Xalqım Sızə güvəndi.

Bir yumruğa sarıldıq,

Vətənim bütövləndi.

Rahat uyu, şəhidim,

Qanın yerdə qalmadı.

Şəhidliyin zirvəsi,

Zəfər kimi ucaldı.