20 sentyabr – Xankəndi, Xocalı, Xocavənd və Ağdərə şəhərləri günü münasibətilə Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov açıqlama verib.

Deputat bildirib ki, şəhər günləri Azərbaycanın qürur tarixidir və xalqımız bu zəfərləri Müzəffər Ali Baş Komandan Prezident İlham Əliyevin uzaqgörən siyasəti sayəsində əldə edib:

“Xankəndi isə bu şəhərlər arasında müstəsna yer tutur. Bir əsrə yaxın Sovet imperiyasının işğal siyasəti nəticəsində ermənilərə verilmiş bu şəhər Prezident İlham Əliyevin uğurlu siyasəti nəticəsində cəmi 23 saat ərzində işğaldan azad edildi.”

Sadiq Qurbanov əlavə edib ki, vaxtilə AXC–Müsavat hakimiyyətinin uğursuz rəhbərləri Xankəndində Azərbaycan bayrağının dalğalanmayacağını iddia edirdilər:

“Lakin Müzəffər Ali Baş Komandanın hərbi və siyasi taktikası nəticəsində bütün işğalda olan şəhərlərimiz azad edildi və bu gün üçrəngli bayrağımız Xankəndidə və digər şəhərlərimizdə qürurla dalğalanır. Artıq biz fəxrlə şəhər günlərimizi qeyd edirik.”