İşğaldan azad olunmuş torpaqlara “Böyük Qayıdış” Proqramı çərçivəsində keçmiş məcburi köçkünlərin qayıdışı davam edir. Bu gün köç karvanı ilə Xocalı rayonunun Seyidbəyli kəndinə çatan ailələrə mənzillərin açarları təqdim olunub. Mərasimdə Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər. Fact-info.az xəbər verir ki, ilk mərhələdə Xocalının Seyidbəyli kəndinə 9 ailə - 30 nəfər köçürülüb. Kəndə qayıdanlar respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdən ibarət olub.
Mənzillərin açarlarını ailələrə təqdim edən Prezidentin Xankəndi şəhərində, Ağdərə və Xocalı rayonlarında xüsusi nümayəndəsinin müavini Səbuhi Qəhrəmanov bildirib ki, Seyidbəyli kəndində müasir tələblərə cavab verən fərdi yaşayış evləri inşa olunub, qaz, işıq və su xətləri tam bərpa edilib və digər sosial infrastruktur obyektləri sakinlərin istifadəsinə verilib.
Mərasimdən sonra ailələr sevinc hissi ilə yeni evlərində yerləşiblər.
Baxış sayı: 95
Romania’s Veridica publication highlights geopolitical shift in South Caucasus
President orders celebration of Azerbaijani poet Khagani Shirvani’s 900th anniversary
Jason Epstein: Successful implementation of the TRIPP project could bring significant benefits to both Armenia and Azerbaijan
TURKPA Secretary General meets with President of International Parliamentarians’ Congress
Azerbaijan’s Media Development Agency urges Meta to remove deepfake content attributed to Azerbaijani President
