Azərbaycan Respublikasının Qeyri -Hökumət Təşkilatlarına Dövlət Dəstəyi Agentliyinin maliyyə dəstəyi ilə “Şans” Regionlara Dəstək İctimai Birliyi “Kəlbəcərə qayıdış prosesinin dəstəklənməsi” layihəsi çərçivəsində yekun tədbirini Qəbələ rayonunda keçirib.

Fact-info.az xəbər verir ki, Qəbələ rayonunda kəlbəcərlilərin məskunlaşdığı köçkün qəsəbəsində 31 saylı orta məktəbdə 7 avqust 2025-ci il tarixində tədbir keçirildi. Toplantıya keçmiş məcburi köçkün olan kəlbəcərlilər, müxtəlif dövlət və qeyri-hökumət təşkilatlarının nümayəndələri, sahibkarlar və digər şəxslər iştirak edirdilər.

Tədbirin aparıcısı İzzət Bayramov layihənin aktuallığından danışdı. Daha sonra 31 saylı orta məktəbin direktoru Kamil İsmayılov  qeyd etdi ki. vaxtılə torpaqlarımızın işğalından danışırdıq.  2020-ci ildə Ali Baş Komandanın rəhbərliyi, Ordumuzun qüdrəti nəticəsində torpaqlarımız işğaldan azad olundu. Bu gün həmin torpaqlara qayıdışdan danışırıq. Kamil müəllim belə maarifləndirici tədbirlərin əhalidə qayıdışla bağlı fikir formalaşmasına müsbət təsir etdiyini bildirib. .

Daha sonra bir çox dövlət və QHT layihələrinin eksperti olan, təlimçi Elçin Poyliyev layihənin hədəf və prinsiplərinə uyğun olaraq təlimlərə başladı. O, işğaldan azad edilmiş digər bölgələrimiz kimi, Kəlbəcər rayonunda da quruculuq işləri davam etdiyini bildirərək bir çox zəruri məqamlara aydınlıq gətirdi. Bu rayona hansı sahələrə sərmayə qoyuluşunu, fərdi sahibkarlıqla məşğul olmaq istəyən şəxslərin əsas fəaliyyət istiqamətlərini açıqladı. Təlimçi auditoriyanı maraqlandıran sualları cavablandıraraq Kəlbəcərin mövcud potensialı haqqında geniş məlumat verdi.