23-4-2025 5:4
FACT-INFO.AZ » QHT » Varşavada “Mədəni yaddaşımızda Qərbi Azərbaycan” adlı sərgi açılıb
9-04-2025, 09:30 | QHT
Varşavada “Mədəni yaddaşımızda Qərbi Azərbaycan” adlı sərgi açılıb

Varşava şəhərinin mərkəzi küçəsində yerləşən Tvardovski meydanında Azərbaycanın Polşadakı səfirliyinin təşkilatçılığı və Qərbi Azərbaycan İcması və Azərbaycan Respublikası Beynəlxalq İnkişafa Yardım Agentliyinin dəstəyi ilə “Mədəni yaddaşımızda Qərbi Azərbaycan” adlı fotosərginin açılışı olub.  Fact-info.az xəbər verir ki, sərgidə Azərbaycanın Polşadakı səfiri Nərgiz Qurbanova çıxış edərək İrəvan xanlığının təkcə Azərbaycanın deyil, bütün Cənubi Qafqazın tarixində mühüm rol oynadığını bildirib. İrəvan xanlığının tarixinin Azərbaycan xalqının zəngin maddi və qeyri-maddi mədəniyyət tarixinin tərkib hissəsi olduğunu vurğulayıb. N.Qurbanova İrəvan şəhəri və onun ətrafında hidronim və oykonimlərin mütləq əksəriyyətinin Azərbaycan dilində olmasının bu ərazinin azərbaycanlıların qədim yaşayış məskənlərindən olduğunu sübut etdiyini diqqətə çatdırıb və XIX əsrin sonu XX əsrin əvvəllərində İrəvanda Şəriət, Karvansara, Qala, Sultan, Çölməkçi, Naxçıvan, Bazar, Daşlı, Paşa Xan və s. kimi çoxlu sayda Azərbaycan adına küçələrin mövcud olduğunu bildirib.

O, avropalı səyyah və salnaməçilərin, o cümlədən JanBatist Tavernye, Jan Şarden, Dübua de Monper, Avqust fon Haksthauzen və digərlərinin əsərlərində İrəvan şəhərinin səciyyəvi müsəlman şəhəri kimi təsvir olunduğunu qeyd edib.

Səfir XX əsrin əvvəllərinədək İrəvan qalası, onun daxilində yerləşən Xan Sarayı (Sərdar Sarayı) və Abbas Mirzə məscidinin şəhərin tarixi-memarlıq inciləri hesab olunduğunu diqqətə çatdırıb və Xan Sarayını tikdirən İrəvan sərdarları barədə məlumat verib.

Diplomat indiki Ermənistan ərazisində mövcud olmuş 3500 tarixi və mədəni abidə, 500 qəbiristanlıq və 391 məscidin Qərbi Azərbaycanın tarixi irsinin tərkib hissəsi olduğunu vurğulayıb və 1905-1906-cı, 1918-1920-ci, 1948-1953-cü və 1987-88-ci illərdə azərbaycanlılara qarşı həyata keçirilən deportasiya və qırğınların nəinki azərbaycanlıların indiki Ermənistandan kütləvi surətdə köçürülməsi ilə nəticələndiyi, həm də minlərlə tarixi abidə, məscidin yerlə-yeksan edildiyini təəssüflə diqqətə çatdırıb.

Nərgiz Qurbanova 1980-ci illərin sonlarınadək müasir Ermənistan ərazisində azərbaycanlıların ictimai həyatın bütün sahələrində əhəmiyyətli rol oynadığını qeyd edərək “Sovet Ermənistanı” qəzetinin İrəvanda Azərbaycan mətbuat tarixində silinməz izlər buraxdığını, İrəvan Dövlət Azərbaycan Dram Teatrının Azərbaycan milli səhnə sənətində xüsusi yer tutduğunu, İrəvan Azərbaycan Kənd Təsərrüfatı Texnikumu, İrəvan Azərbaycan Pedaqoji Texnikumu, İrəvan Azərbaycan Qızlar Məktəbinin Azərbaycan və Ermənistan elminə və təhsilinə görkəmli adlar bəxş etdiyini qeyd edib.

Sonda səfir qeyd edib ki, abidələri məhv etmək asan olsa da, tarixi ümumi yaddaşımızdan silmək mümkün deyil və öz soyunu Qərbi Azərbaycandan götürən azərbaycanlı gənclərin sərginin açılışında iştirakı bir daha sübut edir ki, gec-tez həqiqət üzə çıxır.

Tədbirdə çıxış edən Qərbi Azərbaycan İcmasının İdarə Heyətinin sədr müavini, Milli Məclisin deputatı Qaya Məmmədov mədəni irsin ümumbəşəri dəyər olduğunu qeyd edərək, indiki Ermənistan ərazisindəki Azərbaycan mədəni irsinin məhv edilməsinə dünya ictimaiyyətinin biganə qalmamalı olduğunu vurğulayıb. Qərbi Azərbaycan İcmasının qayıdışa sülh yolu ilə nail olmağa çalışdığını bildirən Q.Məmmədov dünya dövlətlərini bölgədə sülh, barışıq və ədalətə xidmət edən bu haqq işinə, eləcə də Qərbi Azərbaycan mədəni irsinin bərpası və qorunmasına dəstək verməyə çağırıb.

Qeyd edək ki, aprelin 28-dək davam edəcək sərgidə Qərbi Azərbaycanın zəngin irsini əks etdirən şəkillər, eksponatlar, kulinariya nümunələri əks olunub. İrəvan xanlığının bayrağı, Qərbi azərbaycanlıların deportasiyası, dağıdılmış məscidlərimiz, abidələrimiz, qəbiristanlıqlarımız, Qərbi Azərbaycanın görkəmli şəxsiyyətlərinin fotolarının əks olunduğu sərgi iştirakçılar tərəfindən maraqla qarşılanıb, soydaşlarımızın başlarına gətirilən müsibətlər barədə onlara ətraflı məlumat verilib.

Sonda sərginin ərsəyə gəlməsində göstərdikləri dəstəyə görə Bakı Beynəlxalq Multikulturalizm Mərkəzi, Azərbaycan Milli Elmlər Akademiyasının Tarix və Etnologiya İnstitutu, Milli Azərbaycan Tarixi Muzeyi, Azərbaycan Milli İncəsənət Muzeyi, Azərbaycan Milli Xalça Muzeyi, Azərbaycan Milli Kulinariya Assosiasiyası və Qafqaz Tarixi Mərkəzinə təşəkkür ifadə olunub.




Baxış sayı: 90
Ərdoğan: Azərbaycan və Pakistanla birlikdə yeni addımlar atacağıq Bu gün, 09:00 Zelenskinin Krımla bağlı şərhindən sonra Marko Rubio London səfərini ləğv edib Bu gün, 08:30 Xəzər dənizində iqlim dəyişikliyinin təsirini araşdıran birgə tədqiqat layihəsinə start verib Dünən, 20:30 Azərbaycan qlobal miqyasda “orta güc” mərkəzlərindən birinə çevrilir Dünən, 20:00 Ruben Vardanyanın məhkəməsində Ermənistanın mina terrorunun qurbanları danışıblar: Bir gündə iki oğlumu itirdim Dünən, 18:30 Görkəmli rəssam Mirzə Qədim İrəvaninin irsi Bişkekdə sərgidə təqdim olunur Dünən, 18:00 Victims of Armenian mine terror testify at Ruben Vardanyan's trial: I lost two sons in one day Dünən, 17:00 Londonda Ukrayna-Rusiya münaqişəsinin tənzimlənməsi müzakirə ediləcək Dünən, 11:30 Aygün Attar: Qərbi Azərbaycan həqiqətlərinin təbliği TADİV-in prioritet istiqamətlərindən biridir Dünən, 10:30 Türkiyə mediası Azərbaycanın iqtisadi imkanlarından yazıb Dünən, 09:00 Ərdoğan: Türkiyə telekommunikasiya peykləri istehsal edən 11 ölkə arasında yer alır Dünən, 08:30 Bu gün şəhid Yaqub Yaqubzadənin doğum günüdür Dünən, 08:00 Prezident İlham Əliyev Çinin Sinxua agentliyinə müsahibə verib 21-04-2025, 21:00 İkinci Dünya müharibəsinin veteranlarına birdəfəlik maddi yardım veriləcək 21-04-2025, 17:30 Qırğızıstanda “Azərbaycanın sənət incilərində yaşayan milli irsi" sərgisinin açılışı olub 21-04-2025, 17:30 Arkadi Qukasyan Xocalı soyqırımına rəhbərlik edənlərin adlarını çəkdi: Serj Sarkisyan və Arkadi Ter-Tadevosyan 21-04-2025, 16:30 ABŞ: Sanksiyalar yalnız atəşkəs əldə olunduqdan sonra ləğv oluna bilər 21-04-2025, 14:30 Şamil Ayrım: Azərbaycan Prezidenti ADA Universitetində dediyi fikirlərlə qardaşlığın əməldə olduğunu bütün dünyaya göstərdi 21-04-2025, 10:30 ABŞ hakimiyyəti Dövlət Departamentində genişmiqyaslı islahatlar planlaşdırır 21-04-2025, 10:00 Sarıcalı və Ballıcaya növbəti köç karvanları yola salınıb 21-04-2025, 08:30 “Akademik Mikayıl Hüseynov – 120” adlı kitab sərgisi açılıb 20-04-2025, 11:00 Mədəni irs müharibənin obyekti olmamalıdır - BƏYANAT 20-04-2025, 10:00 Əziz Ələkbərli: Qərbi Azərbaycana qayıdış ideyasının təbliği baxımından belə tədbirlərin çox böyük əhəmiyyəti var 20-04-2025, 09:00 Polkovnik Cəlil Xəlilovun rəhbərlik etdiyi nümayəndə heyəti Mahaçqala şəhərində mərhum dövlət xadimi Əziz Əliyevin heykəl-kompleksini ziyarət edib 19-04-2025, 19:00 “Qərbi Azərbaycana qayıdış tarixi zərurətdir” mövzusunda elmi-praktik konfrans keçirilib 19-04-2025, 18:00 İctimai hesabatla çıxış edən QHT-lərə Dövlət Dəstəyi Agentliyi qarşıdakı planları açıqlayıb 19-04-2025, 12:00 Mütəxəssis: Miqren dünyada əzabverici və əlilliyə gətirib çıxaran baş ağrıları növlərinə aiddir 19-04-2025, 11:00 Azərbaycan Ordusunun mövqeləri atəşə tutulub 19-04-2025, 11:00 Fransa Analitika Mərkəzinin rəhbəri: Ermənistanı dəstəkləməklə Makron uğursuzluğa sərmayə qoyur 19-04-2025, 10:00 Tanınmış xanəndənin 90 illiyinə həsr edilmiş tədbir keçirilib 18-04-2025, 20:00
Köşə yazarları
Təqvim
«    Aprel 2025    »
BeÇaÇCaCŞB
 123456
78910111213
14151617181920
21222324252627
282930