FACT-INFO.AZ » MƏDƏNİYYƏT » TÜRKSOY-un Baş katibi Sultan Rayevin “Daşqın” kitabının təqdimatı keçirilib
11-12-2024, 13:30 | MƏDƏNİYYƏT
TÜRKSOY-un Baş katibi Sultan Rayevin “Daşqın” kitabının təqdimatı keçirilib

Dekabrın 9-da Bakıda Beynəlxalq Türk Mədəniyyəti və İrsi Fondunda görkəmli Qırğız yazıçısı, TÜRKSOY-un Baş katibi Sultan Rayevin “Daşqın” kitabının təqdimatı keçirilib.

Tədbirdə çıxış edən Beynəlxalq Türk Mədəniyyəti və İrsi Fondunun prezidenti Aktotı Raimkulova qurumun fəaliyyəti barədə ətraflı məlumat verib. O bildirib ki, Fond ümumtürk irsinin, xüsusilə maddi və qeyri-maddi mədəni irs nümunələrinin qorunması istiqamətində fəaliyyət göstərir.

“Bu, Türk Mədəniyyəti və İrsi Fondu tərəfindən hazırlanmış 17-ci kitabın təqdimatıdır. Kitabı Rəbiqə Nazimqızı tərcümə edib. Təşkilatın prioritet istiqamətlərindən biri də türk xalqlarının görkəmli şəxsiyyətlərinin zəngin irsinin gələcək nəsillərə ötürülməsidir. Fond bu yöndə “Türk dünyasının görkəmli şəxsiyyətləri”, “Türk dünyasının ədəbi inciləri”, “Türk dünyasının elmi inciləri” adlı 3 kitab seriyası təsis edib. Parisdə dekabrın 13-də Mahmud Kaşğarinin “Divanü lüğat-it-türk” əsərinin 950 illiyi UNESCO səviyyəsində qeyd olunacaq. Konfransda Azərbaycan, Qazaxıstan, Qırğızıstan, Türkiyə, Özbəkistan, Türkmənistan, Macarıstan və digər ölkələrdən alimlər, tədqiqatçılar, dövlət və beynəlxalq təşkilatların nümayəndələri bir araya gələcəklər”, - deyə A.Raimkulova əlavə edib.

Azərbaycan Respublikasının mədəniyyət naziri Adil Kərimli çıxışında qeyd edib ki, Azərbaycan xalqı Türk dünyasının böyük oğlu Çingiz Aytmatovun yaradıcılığına dərin hörmətlə yanaşır. “Bu il Bakıda artıq ikinci dəfə Qırğızıstanın görkəmli ədəbiyyat nümayəndəsi TÜRKSOY-un Baş katibi Sultan Rayevin kitabının təqdimatına toplaşmışıq. Azərbaycan Mədəniyyət Nazirliyi və Beynəlxalq Türk Mədəniyyəti və İrsi Fondu birgə bir sıra layihələr reallaşdırır. Bu bizim birgə həyata keçirdiyimiz növbəti layihədir. Əminəm ki, gələcəkdə belə layihələrin sayı daha çox olacaq”, - deyə nazir vurğulayıb.

Tədbirdə Azərbaycan Milli Elmlər Akademiyasının prezidenti akademik İsa Həbibbəyli, Qırğızıstanın Azərbaycandakı səfiri Maksat Mamıtkanov, Xalq yazıçısı Çingiz Abdullayev, Azərbaycan Atatürk Mərkəzinin direktoru akademik Nizami Cəfərov çıxışlarında Sultan Rayevin “Daşqın” əsəri barədə fikirlərini bölüşüblər.

Bildirilib ki, Azərbaycanda Türk dünyasının yazıçılarının əsərlərinə daim maraq olub. Bu günlərdə Bakıda türk xalqları ədəbiyyatının yeni məzmun və ideyalarla zənginləşməsində böyük xidmətləri olan, ümumtürk dünyasının parlaq simalarından biri Çingiz Aytmatova həsr olunmuş böyük görüş keçiriləcək.

Diqqətə çatdırılıb ki, Sultan Rayevin “Daşqın” əsərində “Nuhun tufanı yeni dövrdə baş versə nələr olar” axtarışında fikirlər irəli sürülüb. Kitabda əslində Nuhun tufanın müasir zamanda baş verdiyini göstərilir. Belə ki, hazırda insanlar suya deyil, internetə qərq olub boğulurlar. Kitabda, həmçinin süni intellektin gətirdiyi problemlər araşdırılır.

Milli Məclisin deputatı Cavanşir Feyziyev çıxışında deyib ki, Manas kimi min yaşlı zəngin ədəbi-bədii irs üzərində boy atmış müasir qırğız ədəbiyyatı XX əsr dünya ədəbiyyatına Çingiz Aytmatov kimi nəhəng düha sahibini bəxş etdi. “Düşünmək olardı ki, qırğız ədəbiyyatı artıq öz sözünü deyib. Ən azı Ç.Aytmatovdan sonra müasir qırğız ədəbiyyatında yeni söz demək çox böyük cəsarət tələb edəcəyindən yeni möcüzə gözləmək ağıllara gəlməzdi. Amma möcüzə baş verdi, Sultan Rayev özündə bu cəsarəti tapdı və kifayət qədər uğurlu bir şəkildə öz ədəbi dəst-xətini Türk dünyası ədəbiyyatının rəqabət meydanına çıxara bildi. Sultan Rayev nə Manas yazdı, nə də Aytmatov üslubunu təkrar etdi. O yazdığı romanlarla hörmətli akademik İsa Həbibbəylinin “magik realizm” adlandırdığı ən müasir ədəbi trendinin altında öz imzasını atdı. Bu imza olduqca möhtəşəmdir və bütün Türk dünyasına Sultan Rayevlə fəxr etmək imkanı qazandırıb", - deyə Cavanşir Feyziyev əlavə edib.

“Daşqın” əsərinin müəllifi Sultan Rayev çıxışında kitabın ərsəyə gəlməsində dəstəyi və əməyi keçən hər kəsə təşəkkür bildirib.

Daha sonra Bakı Bələdiyyə Teatrının aktyoru, Əməkdar artist Hüsniyyə Mürvətova “Daşqın” romanından bir parçanı oxuyub.

Tədbirdə Azərbaycanın dövlət və hökumət rəsmiləri, deputatlar, Qırğızıstan səfirliyinin, eləcə də ölkəmizdə akkreditə olunmuş diplomatik korpusun təmsilçiləri, elm, mədəniyyət xadimləri və ictimaiyyət nümayəndələri iştirak ediblər.




Baxış sayı: 105
20 Yanvara həsr olunmuş xüsusi dərslər keçiriləcək Bu gün, 20:30 USAID Azərbaycana qarşı qərəzli və zərərli siyasi xətt tutmuşdu Bu gün, 19:30 Azərbaycan-Gürcüstan strateji tərəfdaşlığının siyasi, təhlükəsizlik, iqtisadi və humanitar ölçüləri barədə müzakirələr aparılıb Bu gün, 18:30 Aygün Əliyeva Rauf Zeynini 65 illik yubileyi münasibətilə təbrik edib Bu gün, 17:00 Azərbaycanda "Rəqəmsal İnkişaf Konsepsiyası” təsdiqlənib Bu gün, 14:00 Hərbi hissələrdə gənc əsgərlərlə görüşə müvəqqəti məhdudiyyət qoyulub Bu gün, 13:30 BMT Baş katibi COP29-da qəbul edilmiş qərarların tam şəkildə yerinə yetirilməsinə çağırır Bu gün, 12:00 Xəzər Siyasət Mərkəzi ABŞ-ın Cənubi Qafqazla əməkdaşlığını istiqamətləndirəcək strategiya hazırlayıb Bu gün, 12:00 İcma: Ermənistan hökuməti monoetnik siyasətə son verməlid Bu gün, 11:00 Ayxan Hacızadə: Ermənistan XİN uydurma açıqlamaların verilməsi ilə məşğuldur Bu gün, 07:30 "Media haqqında" və "Reklam haqqında" qanunlara dəyişiklik edilməsi ilə bağlı ilkin variant hazırlanıb Dünən, 20:30 Yıldız Deveci Bozkuş: Ermənistanın ikili xarici kursu regional sabitliyə problemlər vəd edir Dünən, 20:00 Azərbaycan ombudsmanı beynəlxalq insan hüquqları təşkilatlarına açıq məktub ünvanlayıb Dünən, 18:00 Azərbaycan və Türkiyə birgə hərbi təlim keçirəcək Dünən, 17:30 Polkovnik Cəlil Xəlilov bir qrup 44 günlük Vətən müharibəsi veteranı ilə görüşüb Dünən, 14:00 Nazim Hikmətin anadan olmasından 123 il ötdü Dünən, 12:00 TƏBİB: 35 minə yaxın şəxs qrip əleyhinə peyvənd olunub Dünən, 11:00 “Yüz ilin Naxçıvanı” Dünən, 10:30 Almaniya Ukraynaya yeni yardım paketi təqdim edib Dünən, 08:00 ABŞ və Ermənistan strateji tərəfdaşlıq sazişi imzalayıb Dünən, 07:30 Qazaxıstan prezidenti Kasım-Jomart Tokayev: Qlobal istiləşmə Mərkəzi Asiyada əsas problemlərdən biri ola bilər 14-01-2025, 19:00 Rusiya XİN-in rəhbəri: Region ölkələri bütün problemləri öz qonşuları ilə həll etməlidir 14-01-2025, 17:30 Western Azerbaijan Community condemns German public radio's racial discrimination against Azerbaijan 14-01-2025, 17:30 Община Западного Азербайджана направила письма Генеральному секретарю ООН и Верховному комиссару по правам человека 14-01-2025, 16:00 Reza Deqati qanlı 20 Yanvar həqiqətini dünyaya çatdırıb 14-01-2025, 15:30 Sükuta dalmış həqiqətlərdən boylanan Almas İldırım ömrü 14-01-2025, 13:30 Ermənistan hökuməti soydaşlarımızın Qərbi Azərbaycana təhlükəsiz qayıdışını təmin etməlidir 14-01-2025, 11:30 Avropa ölkələri Ukraynaya dəstəyi davam etdirir 14-01-2025, 10:30 "Türkiyə NATO-nun çox əhəmiyyətli üzvüdür" 14-01-2025, 10:00 Alimlər insanın qocalma prosesinin iki əsas mərhələsini müəyyən ediblər 14-01-2025, 09:00
Köşə yazarları
Təqvim
«    Yanvar 2025    »
BeÇaÇCaCŞB
 12345
6789101112
13141516171819
20212223242526
2728293031