Biruni Universiteti Xəstəxanası nevrologiya mütəxəssisi professor Talip Asil insult və onun əlamətləri ilə bağlı əhəmiyyətli xəbərdarlıqlar edib. Xəstəxanadan verilən açıqlamada bildirilib ki, insult dünyada üçüncü əsas ölüm səbəbidir və bunun üzün ani yerdəyişməsi, qol və ya ayaqda zəiflik kimi əlamətləri görünə bilər. Əlamətlər arasında nitq pozğunluğu da yer alır. Fact-info.az Anadolu Agentliyinə istinadla xəbər verir ki, professor T.Asil, bu simptomların müşahidə edildiyi hallarda vaxt itirilməməsinin vacib olduğunu vurğulayıb. O bildirib ki, insult dünyada əhəmiyyətli ölüm və əlillik səbəbidir. Professor, ictimaiyyəti bu məsələdə daha diqqətli olmağa çağırıb.

İnsultun yaş, cins, genetik və irq kimi müxtəlif faktorlara görə inkişaf edə biləcəyini qeyd edən T.Asil, insult riskinin 55 yaşdan yuxarı insanlarda daha yüksək olduğunu, lakin daha gənc yaşlarda kişilərdə də bu riskin mövcud olduğunu bildirib: “Diabet, hipertoniya, piylənmə, yüksək xolesterin və ürək xəstəlikləri olan insanlarda insult riski artır. Erkən müdaxilə insultun qalıcı zərər verməsinin qarşısını ala bilər. Son 20 ildə insult müalicəsində əhəmiyyətli irəliləyişlər əldə edilib. Damar tıxanmaları nəticəsində yaranan insult erkən mərhələdə müalicəsi mümkün olan xəstəlik halına gəlib. Beyində tıxanmış damarlar dərmanlar və anjioqrafik üsullarla açıla, beləliklə xəstənin şikayətləri qismən və ya tamamilə həll edilə bilər. Ən kritik element müdaxilənin həyata keçirilməsidir. Bu məlumatlar, ictimaiyyətin insultun əlamətləri və risk faktorları haqqında məlumatlılığını artırmaq məqsədini daşıyır.