Bu gün Azərbaycan Respublikası Şəhid Ailələrinə “Qayğı” Cəmiyyətinin sədri, Qarabağ müharibəsi veteranı Müşfiq Əliyevin 60 yaşı tamam olur. Doğum günü münasibətilə hörmətli Müşfiq müəllimi təbrik edirik. Qeyd etmək lazımdır ki, Müşfiq müəllim Vətəndaş Cəmiyyətinin ən fəal üzvlərindən biri olmaqla bərabər, hər zaman müharibə veteranlarının, şəhid ailələrinin problemlərinin həllinə dəstək olur.  Müşfiq Əliyev istər

I Qarabağ müharibəsi, istərsə də 44 günlük Vətən müharibəsi dövründə Ordumuza dəstək olub. Müharibədən sonrakı dönəmdə də o, bu uğurlu missiyanı davam etdirərək müharibədən əziyyət çəkən insanların yanında olur.

Azərbaycan cəmiyyətinin inkişafına, dövlətin strateji hədəflərinin möhkəmlənməsinə dəstək olmaq hər bir QHT üçün əhəmiyyətlidir, qürurludur.. Bu yolda Müşfiq müəllim bütün resurslarını səfərbər edərək  Vətəndaş Cəmiyyətinin inkişafına, dövlətimizin qüdrətlənməsinə çalışır.

Qədim təsəvvürlərə görə müdriklik xüsusi bir anlayış və həyat tərzidir.Müxtəlif yaş dövründən sonra insan dünyanı olduğu kimi dərk etməyə və qavramağa çalışır. Müşfiq müəllim hər zaman  Vətəni sevərək, torpağa, yurda ehtiram göstərərək dövlətin yanında olur.  Müşfiq müəllim, bir daha TƏBRİKLƏR!

Fact-info.az