Bu gün  "Müharibə yönümlü QHT İttifaqı"-nın iclası keçirildi. Toplantıya 13 İctimai Birlik sədri və digər şəxslər qatılmışdı.

Yığıncaqda  "Müharibə yönümlü QHT İttifaqı"-nın Nizamnaməsi, ərizə blankı və digər məsələlər müzakirə edildi,  Geniş müzakirələrdən sonra  qurumun nizamnaməsinin ilkin versiyası və ərizə blank forması qəbul edildi.

Daha sonra İttifaqa sədr seçilməsi məsələsi qaldırıldı.  Qazi Firudin Məmmədov çıxış edərək Qazi Zöhrab Məmmədovun "Müharibə yönümlü QHT İttifaqı"-na sədr kimi namizədliyini irəli sürdü. Z.  Məmmədovun namizədliyi səsə qoyuldu və böyük səs çoxluğu ilə  Zöhrab Məmmədov sədr seçildi.

Daha sonra İdarə Heyətinin üzvləri seçildi.

Sədr: Qazi Zöhrab Məmmədov

Aparat rəhbəri (birinci müavin): Qazi Firudin Məmmədov

Aparat rəhbərinin müavinləri: Qalib Əliyev  

Sədrin müavinləri: Şəhid Miqdadın anası Tünzalə Abduləlimova və Qazi İlham Məhərrəmov,

Sədrin işlər üzrə müavini: Qazi Hacı Vəliyev,

İctimai əlaqələr üzrə sədrin müavini: Mehriban Abdullayeva,

NTK sədri: Qazi Nizami Əmiraslanov

NTK sədri müavinləri: Sultan Əzimzadə və Şəhid Əbdülməcid Axundovun anası Ceyran Həsənova,

Ağsaqqallar şurasının sədri: Müşfiq Əliyev,

Sədrin müşaviri: Qazi Tahir Məmmədov,

İttifaqın Naxçıvan üzrə səlahiyyətli nümayəndəsi: Qazi Ceyhun Bayramov,

Hüquq departamentinin rəhbəri: siyasi elmlər üzrə fəlsəfə doktoru Ruşan Ruşanzadə

seçildilər.

"Müharibə yönümlü QHT İttifaqı"-nın fəaliyyət istiqamətləri və  rəsmi qurumlarla birgə əməkdaşlıqla bağlı  təkliflər səsləndi, geniş müzakirələr aparıldı.