Qırğızıstanın paytaxtı Bişkekdə fəaliyyət göstərən Türkdilli Dövlətlərin Siyasətinə Dəstək Fondunun sifarişi ilə Azərbaycandakı Odlar Yurdu Universitetinin İqtisadiyyat və iqtisadi münasibətlər kafedrasının və Dövlət Gömrük Komitəsinin Akademiyasının müəllimi professor Cümşüd Nuriyevin, Dövlət Gömrük Komitəsinin Akademiyasının müəllimi, siyasi elmlər üzrə fəlsəfə doktoru Şəbnəm Nuriyevanın, Odlar Yurdu Universitetinin İqtisadiyyat və iqtisadi münasibətlər kafedrasının baş müəllimi Mayıl Orucovun və həmin kafedranın dosenti S.İbrahimovanın həmmüəllifliyi ilə yazılmış “Zəfər çələngi” kitabının elektron versiyası Fondun https://turktoday.info/ portalına yüklənib.
“Zəfər çələngi” kitabında Prezident İlham Əliyevin milli dövlət quruculuğu, milli təhlükəsizliyin təmin edilməsi, enerji, nəqliyyat, sosial, hərbi və informasiya təhlükəsizlikləri, ekoloji təhlükəsizlik, iqtisadi təhlükəsizlik və ərzaq təminatı, kadr və gənclər siyasəti, gömrük və xarici siyasət sahələrində həyata keçirdiyi tədbirlər təhlil edilib, beynəlxalq və yerli statistik məlumatlar diqqətə çatdırılıb.
Həmçinin Fondun sifarişi ilə nəşr edilmiş və Azərbaycan xalqının Ümummilli Lideri Heydər Əliyevin 100 illik yubileyinə həsr olunmuş “Xalqa bağışlanmış ömürdən anlar” (“Элге берилген өмүрдүн көз ирмемдери”) kitabının qırğız dilindəki variantı https://turktoday.info/ portalına yüklənib. Bu kitabın nəşrində əsasən Azərbaycan Dövlət İnformasiya Agentliyinin – AZƏRTAC-ın materiallarından istifadə olunub.
Kitabı qırğız dilinə Rıskulbekov adına Qırğızıstan İqtisadiyyat Universitetinin professoru, Qırğız Respublikasının Əməkdar iqtisadçısı Elmira Cumaliyeva tərcümə edib. Nəşrdə, həmçinin professor Cümşüd Nuriyevin “Heydər Əliyev və Azərbaycanın milli dövlətçilik fəlsəfəsi” və Yeni Azərbaycan Partiyası Siyasi Şurasının üzvü siyasi elmlər üzrə fəlsəfə doktoru Qafar Əliyevin “Müasir Azərbaycanın qurucusu, xilaskarı və yaradıcısı” məqalələri yer alıb. Bu məqalələri qırğız dilinə Qırğızıstan Milli Yazıçılar İttifaqının üzvü, “Exo Manasa” teleradio şirkətinin baş direktoru Temirbek Şukurbekoviç Toktoqaziyev tərcümə edib.
Hər iki kitab “Uluu Toolor” nəşriyyatında çap edilib. Kitabların PDF versiyalarını linklərdən yükləyib oxumaq olar.
Baxış sayı: 115
Romania’s Veridica publication highlights geopolitical shift in South Caucasus
President orders celebration of Azerbaijani poet Khagani Shirvani’s 900th anniversary
Jason Epstein: Successful implementation of the TRIPP project could bring significant benefits to both Armenia and Azerbaijan
TURKPA Secretary General meets with President of International Parliamentarians’ Congress
Azerbaijan’s Media Development Agency urges Meta to remove deepfake content attributed to Azerbaijani President