QHT-lərə Dövlət Dəstəyi Agentliyinin icraçı direktoru Aygün Əliyeva COP29-un Azərbaycan həvalə edilməsinin onun müasir infrastrukturu, həmçinin təhlükəsizliyi ilə bağlı olduğunu bildirib.

Fact-info.az xəbər verir ki, o, bu barədə gələn il Azərbaycanda keçiriləcək COP29-un əhəmiyyəti barədə vətəndaş cəmiyyəti nümayəndələrinin iştirakı ilə keçirilən ictimai müzakirə zamanı danışıb.

A.Əliyevə söyləyib ki, xüsusilə antiterror tədbirlərindən sonra Azərbaycan ən təhlükəsiz dövlətlərdən birinə çevrilib: "Əlbəttə, bu, hər kəsin diqqətini çəkir".

İcraçı direktor vurğulayıb ki, Azərbaycan həmçinin ekoloji təhlükəsizliklə bağlı ciddi işlər görür: "Əminəm ki, COP29-a uğurla ev sahibliyi edəcəyik və bunun dividendlərini görəcəyik. Bu bizim COP29-la bağlı ilk ictimai müzakirəmizdir. Oxşar təşəbbüslər davam edəcək".