2-6-2025 23:56
FACT-INFO.AZ » QHT » COP29-un Azərbaycanda keçirilməsi qərarı Cənubi Qafqazdakı yeni reallığın beynəlxalq birlik tərəfindən etirafı deməkdir
17-12-2023, 16:30 | QHT
COP29-un Azərbaycanda keçirilməsi qərarı Cənubi Qafqazdakı yeni reallığın beynəlxalq birlik tərəfindən etirafı deməkdir

Artıq heç kimdə şübhə doğurmur ki, Cənubi Qafqazda yaranmış yeni reallığın müəllifi məhz Azərbaycandır. Hətta tarixi Zəfərimizi hələ də həzm edə bilməyən və ya onu qısqanclıqla qarşılayan məlum dairələr belə, bu gerçəkliyi etiraf etmək məcburiyyətindədirlər. Çünki Azərbaycan öz haqqını və tarixi ədaləti beynəlxalq hüququn fundamental norma və prinsiplərinə, BMT Nizamnaməsinin 51-ci maddəsinə tam uyğun şəkildə təmin edib. İstər 44 günlük Vətən müharibəsini, istərsə də cəmi birgünlük antiterror tədbirini sağlam məntiqin və beynəlxalq hüququn ziddinə olaraq, keçmiş “Dağlıq Qarabağa hücum” kimi təqdim etməyə çalışan ölkə və təşkilatlar da Azərbaycanın beynəlxalq hüququn tələblərindən kənara çıxmadığını çox yaxşı bilirlər. Artıq onlar da görürlər ki, nə təhdid xarakterli bəyanatlarla, nə də beynəlxalq hüququ heçə sayan qərəzli qətnamələrlə müstəqil Azərbaycanı və onun şəksiz Liderini haqq yolundan çəkindirə bilməyəcəklər.

Bu fikirlər Milli Məclisin deputatı Ülvi Quliyevin “COP29-un Azərbaycanda keçirilməsi qərarı Cənubi Qafqazdakı yeni reallığın beynəlxalq birlik tərəfindən etirafı deməkdir” sərlövhəli məqaləsində yer alıb.

Deputat bildirib ki, suveren hüquqlarımızın bərpası naminə həyata keçirilən 24 saatlıq antiterror tədbirini hay-küylə qarşılayan, hər fürsətdə ona kölgə salmağa çalışan dairələr zaman ötdükcə daha çox qəbul edəcəklər ki, Azərbaycana qarşı tətbiq etdikləri selektiv yanaşma və ayrı-seçkilik siyasəti Cənubi Qafqazda geosiyasi maraqlarının təmin olunmasına xidmət etmir və haqlı olaraq əks-reaksiya doğurur. Həmin dairələr ictimai şəkildə etiraf etməsələr də, yaxşı bilirlər ki, Azərbaycanın beynəlxalq hüququn normaları çərçivəsində, o cümlədən humanitar hüququ gözləməklə əldə etdiyi Qələbə, əslində, dünya nizamının təhlükəsizliyinə verilən əhəmiyyətli töhfələrdən biridir. Dünya gücləri 35 ildən sonra, nəhayət, görməyə başlayıblar ki, hansı coğrafiyada baş verməsindən və hansı etnik qrup tərəfindən törədilməsindən, hətta onların məlum fobiyaları və ayrı-seçkiliyi səbəbindən kiməsə tərəfkeşlik etmələrindən asılı olmayaraq, separatizm dünya birliyinin nizamına ciddi təhdid yaradan təhlükəli faktora çevrilib. BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-un 2024-cü ildə ölkəmizdə keçirilməsi ilə bağlı qəbul olunmuş qərar həm də bu gerçəkliyin etirafıdır. Prezident İlham Əliyevin dekabrın 15-də keçirdiyi xüsusi müşavirədə səsləndirdiyi fikirlər bu mənada xüsusilə diqqət çəkir: “Bizim müstəqil siyasətimiz, prinsipial mövqeyimiz, beynəlxalq hüquqa bağlılığımız, sədaqətimiz və eyni zamanda, ölkə ərazisində suverenliyin bərpa edilməsi bizə olan hörməti daha da artırdı. Bu hadisənin önəmi, o cümlədən ondadır ki, bu qərar antiterror əməliyyatından iki ay yarım sonra qəbul olunmuşdur və beləliklə, bir daha bütün dünya ictimaiyyəti Azərbaycana öz dəstəyini ifadə etmişdir”.

Ü.Quliyev vurğulayıb ki, dövlətimizin başçısı yuxarıdakı açıqlaması ilə həm də bu mesajı verdi ki, ötən müddət ərzində antiterror tədbirinə kölgə salmaqla suveren hüquqlarımızı şübhə altına almağa və bununla dünya ictimaiyyətini çaşdırmağa çalışan məlum dairələrin səy və cəhdləri, təhdid və təzyiqləri əbəsdir. Ermənilərdən də artıq erməni olmaq istəyən dairə və siyasətçilər gec-tez qəbul etməli olacaqlar ki, tarixi ədalətin və beynəlxalq hüququn təntənəsini qısqanclıqla qarşılamaq, bununla barışmamaq son nəticədə onların öz maraqlarına da zərbə vurur, dünya birliyinə təhlükəsizlik əvəzinə, anarxiya və hərc-mərclik gətirir. Prezident İlham Əliyev elə bu səbəbdən diqqətə bu gerçəkliyi də çatdırdı: “Bir də bəzi hallarda beynəlxalq aləm, beynəlxalq birlik anlayışı Qərbdə təhrif edilir. Beynəlxalq birlik 30-40 ölkə deyil. Beynəlxalq birlik dünyanın bütün ölkələridir və bu ölkələr yekdilliklə Azərbaycana öz böyük dəstəyini göstərmişdir”.

Müstəqillik dövründə Azərbaycan bir neçə tarixi əhəmiyyətli beynəlxalq tədbirə ev sahibliyi edib. Onlardan birincisi 1994-cü ilin sentyabrında XX əsrin ən böyük Neft Kontraktının imzalanmasına həsr olunmuş tədbir idi. Ümummilli Lider Heydər Əliyev o zaman geosiyasi maraqları bir-biri ilə toqquşan gücləri, böyük dövlətlərin rəhbərlərini, nəhəng konsorsiumları Bakıda bir araya gətirməyə və bütün ziddiyyətlərə, bəzilərinin ciddi müqavimətinə baxmayaraq, neft müqaviləsinin imzalanmasına nail oldu. İndi isə daha açıq və daha kəskin şəkildə üz-üzə dayanan böyük aktorların təmsilçiləri 11 aydan sonra Bakıda yenidən bir araya gələcək. Bu, suveren hüquqlarını bütün ərazisində öz gücünə təmin edə bilmiş Azərbaycanın Cənubi Qafqazda yaratdığı yeni reallığın beynəlxalq birlik tərəfindən etiraf olunması ilə yanaşı, həm də ölkəmizin geosiyasi və geoiqtisadi maraqların uzlaşdırılmasına əhəmiyyətli töhfə vermək gücündə olduğunun tanınması deməkdir. COP29-un Azərbaycanda keçirilməsi qərarı, həqiqətən, ölkəmizin, Azərbaycan Prezidentinin növbəti tarixi uğurudur.

“Yüksək təmsilçilik səviyyəsinə görə BMT Baş Assambleyasına bərabər tutulan bu möhtəşəm tədbir imkan verəcək ki, Avropa Oyunlarında, Beynəlxalq Astronavtika Konqresində və digər tədbirlərdə iştirak etmiş xarici qonaqlardan dəfələrlə geniş olan yüksəksəviyyəli nümayəndə heyətləri, ekspertlər, böyük biznes təmsilçiləri və nüfuzlu media mənsubları iki həftə ərzində ölkəmizdə bir araya gələrək İqlim Dəyişikliyi üzrə Çərçivə Konvensiyasının aktual gündəliyini müzakirə edə və Azərbaycanın bu sahədə imza atdığı nailiyyətləri görə bilsinlər. Təxminən 70-80 min xarici qonağın iştirak edəcəyi bu möhtəşəm tədbir həm də imkan verəcək ki, dünya ictimaiyyətinin diqqəti iki həftə ərzində ölkəmizə və ölkəmiz vasitəsilə Cənubi Qafqaza fokuslansın. Bu gün Avropanın enerji təhlükəsizliyində əhəmiyyətli rol oynayan Azərbaycan COP29-un nüfuzlu platforması çərçivəsində beynəlxalq birliyə, tərəfdaşımız olan qardaş və dost ölkələrlə yanaşı, bədxahlarımıza da göstərə biləcək ki, yaşıl enerji ilə bağlı layihələr və yaşıl enerjinin dünya bazarına nəqli Azərbaycanın enerji siyasətində prioritet sahələrdən biridir və bu siyasət nəticə etibarilə Avropadakı tərəfdaşlarımızın maraqlarına xidmət edir. Bu cür yüksəksəviyyəli tədbirlər həm də imkan verir ki, Azərbaycanın ərazi bütövlüyünün və suverenliyinin bərpası ilə bağlı yaratdığı reallıq təhrif edilmədən bir daha dünya ictimaiyyətinə çatdırılsın və geosiyasi maraqlarından asılı olmayaraq, hər kəs görə bilsin ki, Azərbaycanın bərpa etdiyi tarixi ədalətin təməlində beynəlxalq hüququn aliliyinə sarsılmaz inam və bağlılığı, müstəqillik seçiminə sədaqəti dayanır”, - deyə deputat əlavə edib.




Baxış sayı: 85
Vətən müharibəsində Ermənistan silahlı qüvvələrinin Azərbaycanın mülki infrastrukturuna ziyan vurması ilə bağlı sənədlər məhkəmədə tədqiq olunub Dünən, 21:00 Laçında MDB ölkələrinin kulinariyasını nümayiş etdirən xüsusi festival keçiriləcək Dünən, 20:00 Parisdəki diplomatlarımız Toğrul Nərimanbəyovun məzarını ziyarət ediblər Dünən, 19:30 В суде изучены документы, связанные с нанесением вооруженными силами Армении ущерба гражданской инфраструктуре Азербайджана во время Отечественной войны Dünən, 18:30 Documents detailing damage to Azerbaijani civilian infrastructure caused by Armenian armed forces during Patriotic War examined in court Dünən, 17:30 Vətəndaşların hərbi xidmətlə bağlı məlumatları “mygov” platformasında! Dünən, 17:00 Türkiyə-Rusiya-Ukrayna üçtərəfli görüşü başlayıb Dünən, 16:00 Bakıda dekolonizasiya ilə bağlı beynəlxalq elmi konfrans keçiriləcək Dünən, 12:30 Ermənistan Türk dünyasının güclənməsindən narahatlıq keçirir Dünən, 12:00 Azərbaycan Prezidenti: Bizim yaşıl enerji gündəliyimiz çox genişdir Dünən, 10:30 Xankəndidə Qarabağ Təhsil və Tərəfdaşlıq Forumu keçirilir Dünən, 10:30    Yazdığın hər mahnı canından gəlir... 1-06-2025, 19:30 Türkiyəli ekspert: Prezident Ərdoğan Laçında Azərbaycanla birliyin sarsılmaz olduğunu nümayiş etdirib 1-06-2025, 19:00 Birinci vitse-prezident Mehriban Əliyeva Uşaqların Beynəlxalq Müdafiəsi Günü münasibətilə paylaşım edib 1-06-2025, 11:00 XİN: Ermənistanın Azərbaycana qarşı mina terroru nəticəsində 397 nəfər həlak olub və yaralanıb 31-05-2025, 15:30 Bakıdan Laçının Bəylik kəndinə yola salınan köç çatıb 31-05-2025, 13:00 Türkiyəli din xadimi: Şuşa mənim ata yurdumdur 31-05-2025, 12:00 Bank kartı məlumatlarının paylaşılması nəticəsində vətəndaşlar zərər çəkiblər – DİN xəbərdarlıq edir 31-05-2025, 10:30 Victim: I was injured in Armenian armed forces’ “Smerch” missile attack 30-05-2025, 21:00 Gəncənin bombalanmasının Ermənistanın siyasi-hərbi rəhbərliyinin bilavasitə nəzarəti və tapşırığı əsasında həyata keçirildiyi məhkəmədə elan edilib 30-05-2025, 19:30 Ermənistan silahlı qüvvələrinin “Smerç” raketini atması nəticəsində yaralandım - Zərərçəkmiş şəxs 30-05-2025, 18:30 Türkiyə mediası Laçında üç qardaş ölkənin liderlərinin Zirvə görüşünə geniş yer ayırıb 30-05-2025, 18:00 Lavrovla Fidan müzakirə apardı 30-05-2025, 16:30 Horadiz-Ağbənd dəmir yolu xəttində isə tikinti-quraşdırma işlərinin 66 faizi tamamlanıb 30-05-2025, 15:30 Bu gün bədii və ictimai fikir tariximizdə yeni ədəbi məktəbin banisi olan şairin doğum günüdür 30-05-2025, 10:30 Səmərqənddə “İslam dünyasının mədəniyyət paytaxtı – 2025” ilinin açılışı olub 30-05-2025, 09:00 Yeni texnologiya zehni iş yükünü obyektiv izləyə bilir 30-05-2025, 08:30 Ceyhun Bayramov Stiv Deyns ilə Azərbaycan-Ermənistan normallaşma prosesinin müzakirə edib 30-05-2025, 08:30 Bu gün Şəhid Mübariz Kamilovun doğum günüdür 29-05-2025, 20:30 Court evaluates crimes committed by Armenian Armed Forces against civilians in Azerbaijan in April 2016 and July 2020 29-05-2025, 20:30
Köşə yazarları
Təqvim
«    İyun 2025    »
BeÇaÇCaCŞB
 1
2345678
9101112131415
16171819202122
23242526272829
30