Bu barədə   Fact-info.az saytına məlumat verən "Mərhəmət" Kimsəsizlərə Yardım ictimai birliyinin sədri İradə Polad bildirib ki, görüşdə onunla bərabər təşkilatın Binəqədi rayonu üzrə sədri Fərhad Əliyev, "Qayğı"Sosial Maarifləndirilməsi ictimai birliyinin sədri Gülər Bəhramova, "Şəhid Ailələrinə Sosial Dəstək İctimai birliyinin Binəqədi rayonu üzrə sədri Mailə Mədətova və jurnalist, "karabakhmedia.az saytının müxbiri Rəna Hacıyeva iştirak ediblər.

Şəhidin anası Qızbəs Məmmədova, bacıları Mətanət və Pərvanə, qardaşları Xəyal, Hümbət, Möhübbət Məmmədovlar şəhidimizin şanlı döyüş yolundan danışmış, göstərdiyi şücaətlərindən söz açıblar.

 Görüşdə şəhidimiz Məhəmməd Rüstəmovun qorxmaz, igid topçu olduğunu əks etdirən fotoalbom görüş iştirakçılarında xüsusi maraq doğurmuşdur. Şəhidin ailəsi onlara dövlətimizin gğstərdiyi qayğıdan bəhs etmiş "Azərbaycan Qarabağ Müharibəsi Əlilləri, Veteranları və Şəhid Ailələri" ictimai birliyinin sədri Mehdi Mehdiyevin şəhid ailələrinə xüsusi həssaslıqla yanaşdığından, onları diqqət mərkəzində saxladığından, həmin təşkilatın Cəbrayil rayonu üzrə sədri Səbuhi Hüseynovun ailəyə həmişə lazımi köməkliyi göstərdiyini vurğülamışlar. Şəhidin anası Qızbəs Məmmədova şəhid oğlunun xatirəsinin əbədiləşdirilməsini, yaşadıqları küçəyə şəhidin adının verilməsini və xatirə lövhəsinin vurulmasını, anım tədbirlərinin keşirilməsini aidiyyatlı orqanlardan xahiş etmişdir.