“Azəri” Tat Mədəniyyət Mərkəzi İctimai Birliyinin sədri Elman Əhmədovun Fact-info.az-a verdiyi məlumata görə, bu ilin iyul-oktyabr ayları ərzində icrası nəzərdə tutulan layihə çərçivəsində “TolerantAzərbaycanda azsaylı xalqların mədəni dəyərləri” adlı film çəkiləcək. Həmin filmdə Azərbaycan ərazisində yaşayan tatların  tarixindən, mədəniyyətindən, dinindən  qoruyub saxladığı adət-ənənələrindən, məişətindən, əhalinin məşğuliyyətindən, Azərbaycana verdiyi töhfələrindən və digər məqamlardan söhbət açılacaq. Məqsəd  Azərbaycanda tolerantlıq mühitinin nə qədər zəruri nemət olduğunu nümayiş etdirmək, Tolerantlığın Azərbaycan modeli dünyaya örnək olaraq təqdim etməkdir. Film əsasən tatların yaşadıqları ərazilərdə çəkiləcəkdir.