Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə, Azərbay­can Respub­likası «Beynəlmiləlçi Əlil Döyüşçülər» Fondu  “Yol-nəqliyyat qəzalarına qarşı mübarizə kampaniyasının təşkili” layihəsində nəzərdə tutulmuş tədbirlər planına uyğun olraq 30 sentyabr və 1 oktyabr 2016-cı il tarixlərində, Azərbaycanımızın döğma diyarlarından biri sayılan, Lənkəran şəhərinin mərkəzi yollarında “SÜRÜCÜLƏR İNTİZAMLI OLUN!” təhlükəsizlik günləri keçirib.  Vətəndaşların təhlükəsizliyini müdafiə edib, yol hərəkət qaydalarını pozan sürücülərə qarşı mübarizə apararaq, baş verən yol nəqliyyat hadisələrinin, ölüm və yaralanma hallarının qarşısının alınmasına ictimai dəstək verərək silsilə tədbirləri davam etdirib. 

 Tədbirdə, Lənkəran şəhər Polis Şöbəsinin DYP İdarəsinin yol patrul xidməti inspektorları, Lənkəran şəhərində fəaliyyət göstərən QHT-dan Azərbaycan Respublikası Milli Qəhrəmanlarını Tanıtma İctimai Birliyinin  Lənkaran şöbəsinin sədri, Azərbaycanın Milli Qəhraman şəhid atası Hacı Ələkbər Əliyev, Əfqanıstan müharibəsi Veteranlar Birliyinin Lənkaran şəhər şöbəsinin sədri Fəxrəddin Hüseyin, Qarabağ Müharibəsi Əlilləri, Veteranları və Şəhid Ailələri İctimai Birliyinin Lənkəran şöbəsinin sədri Əbülfət Əliyev, 20 yanvar Cəmiyyəti İctimai Birliyinin Lənkəran şöbəsinin sədri Yusif Abdullayev və KİV nümayəndələri iştirak ediblər

Tədbirdə çixış edən, Azərbaycan Respublikası «Beynəlmiləlçi Əlil Döyüşçülər» Fondunun Prezidenti və layihənin direktoru Sərraf Orucov bildirdi ki, layihənin əsas məqsədi, avtomobil yollarında vətəndaşların təhlükəsizliyini müdafiə edib, yol hərəkət qaydalarını pozan sürücülərə  və piyadalara qarşı mübarizə apararaq, baş verən yol nəqliyyat hadisələrinin, ölüm və yaralanma hallarının qarşısının alınmasına dəstək verməkdir.

 Sərraf Orucov bildirdi ki, hər gün avtoqəzalarla bağlı bu qədər ölüm xəbərləri eşitdiyimiz halda sürücülər yenədə qaydaları pozurlar, içkili vəziyyətdə sükan arxasına oturaraq yeni-yeni faciələr törədirlər. Bu gün bizim hər birimiz və aillə üzvülərimiz avtomobil qəzaların qurbanları ola bilərik və bu təhlikə hələ davam edir. Nəqliyyat vasitəsinin sərxoş sürücü tərəfindən idarə olunması, yollarda bütün hərəkət iştirakçıları üçün ən böyük təhlükədir. Onlara qarşı yaxınları, ailə üzvləri  də mübarizə aparmalıdır. Bu problem ictimayyəti narahat edən ən aktual problemlərdən biridir.     

 Sərraf Orucov tədbir zamanı yolda hərəkət edən sürücülərə və piyadalara müraçiyət edərək bildirdi ki, Əziz sürücülər və piyadalar, Siz də bizim bu həyata keçirdiyimiz kampaniyaya qoşularaq, qəzada ölən yaxınlarınızı, dostlarınızı xatırlayın. Düşünün, bir çox hallarda bu qəzalar baş verməyə bilərdi. Əzizləriniz bu gün də sizinlə olardı. Həyatın ləzzətini yaşayardı… Hər birimiz – istər sürücü, istər piyada olaq, məsuliyyətimizi dərk etməliyik. Özümüzü də, özgələri də qorumaq qayğısına qalmalıyıq… Həyat gözəldir, yaşamaq gözəldir. Təsadüfləri nəzərə almasaq, çox şey bizdən – səndən, məndən, hər birimizdən asılıdır… Həyatın bir yol verildiyini ki, hər kəs bilir… Çalışaq yol qurbanı olmayaq. "UNUTMAYIN Kİ, SİZİN ANİ SƏHLƏNKARLIĞINIZ,  ÖZÜNÜZÜN  VƏ BAŞQALARININ HƏYATINI ALT-ÜST EDƏ BİLƏR!
  Fact-info.az