Azadinform news.am-a istinadən xəbər verir ki, bunu erməni analitik Ruben Mehrabyan deyib. O qeyd edib ki, Ermənistan prezidenti Serj Sarkisyanla danışıqlar zamanı Rusiya prezidenti Vladimir Putin bildirdi ki, Rusiya Dağlıq Qarabağ münaqişə zonasında bəzi ATƏT-in Minsk qrupu dövlətləri ilə birgə təhlükəsizliyin zəmanətçisi olmağa hazırdır: “Burada Minsk qrupunun “bəzi dövlətləri” ifadəsinin Türkiyədən başqa mənası yoxdur”.

 Analitik qeyd edib ki, Rusiya Türkiyə prezidenti və XİN rəhbərinin Ermənistan tərəfinin güzəştə getməli olduğu barədə verdiyi bəyanatı inkar etmədi: “Ermənistan açıq şəkildə Rusiyaya yox deyib. KTMT Müdafiə Nazirləri Şurasının Yerevanda avqustun 16-da keçirilən görüşü zamanı Sarkisyan Braziliyada Olimpiya oyunlarını izləyirdi”. Mehrabyanın fikrincə, bu, özü çox şeyi ifadə edir.