Azərbaycan Ordusunun şəxsi heyətinin 2016-cı ilin aprelində Ermənistan Silahlı Qüvvələrinin hücumlarının qarşısını mətanətlə alması cəmiyyətdə ruh yüksəkliyinindaha da artmasına səbəb oldu. Hər zaman vətənpərvərliklə bağlı layihələr həyata keçirən  “Yeni Yurd”Sosial İnkişaf İctimai Birliyinin sədri Mahirə Əsədova daha yeni bir layihəyə imza atıb. Öncə "Mən Azərbaycanam!",daha sonra isə "Mənim Qəhrəmanım!" sosial çarxını çəkilməsinə dəstək olub. Elnurə Nağıyevanın ssenari müəllifliyi, Nail Naiboğlunun rejissorluğu ilə hazırlanan sosial çarx mayın 19-da tamaşaçılara təqdim edildi. Mərasim R.Behbudov adına Azərbaycan Dövlət Mahnı Teatrında keçirilib. Azərbaycanın Dövlət Himni ilə başlayan tədbir daha sonra  ölkəmizin ərazi bütövlüyü uğrunda gedən döyüşlər zamanı dünyasını dəyişən şəhidlərimizin əziz xatirəsi bir dəqiqəlik sükutla yad edildi. Mahirə Əsədova, Nail Naiboğlu və Eluurə Nağıyeva yeni hazırlanan sosial çarx haqda tamaşaçılara məlumat verdilər. Tədbirdə şəhid ailələri, müharibə veteranları, digər şəxslər sosial çarxla bağlı fikirlərini açıqladılar
Hər iki sosial çarx nümayiş olundu, daha sonra incəsənət ustaları milli vətənpərvərlik ruhunda hazırlanmış konsert proqramı ilə çıxış etdilər.
Fact-info.az