Ermənistan son vaxtlar müxtəlif təxribatlarla sərhədlərin delimitasiya və demarkasiyasına süni əngəllər törətməyə davam edirlər. Ermənistan sərhədlərin delimitasiyası və demarkasiyasında qeyri-konstruktiv mövqedən əl çəkməlidir.
Bunu Trend-ə Milli Məclisin deputatı Cavid Osmanov deyib.
O qeyd edib ki, Azərbaycan 44 günlük Vətən müharibəsində öz qələbəsini təmin etdi:
“Beynəlxalq hüquq çərçivəsində Azərbaycanın sərhədləri də müəyyənləşməlidir. Bu sərhədlər Azərbaycanın həm keçmiş sovet dönəmində müəyyən edilən, həm də BMT tərəfindən tanınan və beynəlxalq sənədlərdə təsbit olunan sərhədləridir.
Ermənistan Azərbaycan torpaqlarını işğal altında saxladığı müddətdə sərhəd məsələsində də təxribatlara əl atıb və beynəlxalq səviyyədə tanınan Azərbaycan sərhədlərini qanunsuz olaraq pozmaqla Azərbaycanın ərazisi hesabına öz sərhədlərini irəli çəkib. Əlbəttə bu yolverilməzdir. Azərbaycan sərhədləri beynəlxalq hüquq çərçivəsində müəyyənləşib və ona görə də Ermənistan da Azərbaycanın ərazi bütövlüyünü tanımalı və sərhədlərin delimitasiya və demarkasiyasına süni əngəllər törətməməlidir.
Bu gün Ermənistan rəzil və acınacaqlı durumdadır. Ermənistanın yeganə çıxış yolu isə Azərbaycanın qanuni sərhədlərindən geri çəkilərək əməkdaşlıq etməkdir. Əks halda Ermənistanı daha acınacaqlı vəziyyət gözləyir”.
Baxış sayı: 638
Azerbaijanis relocated to Aghdara’s Hasanriz village get house keys
Foreign Ministry: We reject baseless claims of Armenian Foreign Ministry regarding trial of persons accused of war crimes in Azerbaijan
Recep Tayyip Erdoğan: We will never forget the pain of the Khojaly tragedy
Commemorative event on the 33rd anniversary of the Khojaly genocide held at Presidential Library
Shehbaz Sharif: Our friendship, political understanding, union of thought and action with Azerbaijan at international levels have been legendary