Fact-info.az APA-ya istinadən xəbər verir ki, bunu Türkiyənin müdafiə naziri Hulusi Akar Türkiyə Ordusuna Quru Qoşunlarının yaradılmasının 2230-cu illiyi münasibətilə ünvanladığı təbrik mesajında bildirib.

Nazir deyib ki, Türkiyə Ordusunun Quru Qoşunlarının əsası Mete Xan tərəfindən qoyulub və hazırda bu qəhrəman, fədakar heyət köklü tarixinə, milli, mənəvi , peşə dəyərlərinə sadiq qalmaqla dünyanın ən hörmətli hərbi qüvvələrindən biridir:

“Quru Qoşunlarımız ölkəmizdə və sərhədləri aşaraq vətənimizin, sərhədlərimizin, nəcib millətimizin təhlükəsizliyi üçün hər cür təhdid və təhlükələrə qarşı qətiyyət və əzmlə mübarizə aparır. Bu çərçivədə, yüksək texnologiyalı yerli və milli müdafiə sənayesi məhsulları ilə təchiz olunmuş Quru Qoşunlarımız, terrorla mübarizə çərçivəsində həyata keçirdiyi genişmiqyaslı əməliyyatlarla şərəfli tariximizə yeni və böyük nailiyyətlər əlavə edir.

Quru Qoşunlarımız yeddi iqlimdə üç qitəyə sülh, ədalət və əmin-amanlıq gətirən nəcib millətimizin və əcdadlarımızın sevgisindən, inamından və duasından aldığı ilhamla özünə veriləcək hər cür vəzifəni uğurla yerinə yetirir və yetirəcək, bundan sonra da ölkəmiz üçün qürur mənbəyi olmağa davam edəcəkdir. Bu ildönümü münasibətilə Mete Xandan Sultan Alparslana, Qazi Mustafa Kamal Atatürkdən bu günə kimi Quru Qoşunlarımızın bu səviyyəyə çatmasında əməyi olan bütün komandirlərimizi və dövlət xadimlərimizi hörmətlə anır, əbədiyyətə qovuşmuş müqəddəs şəhidlərimizi və qəhrəman qazilərimizi mərhəmət və minnətdarlıqla xatırlayır, həyatda olan qəhrəman qazilərimizə, şəhidlərimizin və qazilərimizin dəyərli ailələrinə hörmət və minnətdarlığımı bildirirəm”.

Qeyd edək ki, Türkiyə hərbçiləri Ağdamda Rusiya-Türkiyə Birgə Monitorinq Mərkəzində fəaliyyət göstərir.